រដ្ឋបាលខេត្តកោះកុង

លោកស្រី នង ម៉ារី អនុប្រធានមន្ទីរកិច្ចការនារីខេត្តកោះកុង រួមជាមួយគណៈប្រតិភូកម្ពុជា ដែលមាន លោកជំទាវ ឯកឧត្តម អនុរដ្ឋលេខាធិការ លោកស្រី លោក ថ្នាក់ដឹកនាំក្រសួង និងមន្ទីរកិច្ចការនារីទាំង២៥ រាជធានី-ខេត្ត សរុបចំនួន៤០នាក់ (ស្រី ៣៤នាក់) ដឹកនាំដោយ លោកជំទាវ ឡុង សុផល្លី រដ្ឋលេខាធិការនៃក្រសួងកិច្ចការនារី ចូលរួមវគ្គបណ្ដុះបណ្ដាលលើកទី១ ស្តីពី Public Policy and Governance for the Civil Servants of Cambodia នៅទីក្រុង Mussoorie and New Delhi ប្រទេសឥណ្ឌា។

ក្នុងដំណើរបេសកកម្មនេះដែរ គណៈប្រតិភូទាំងអស់ក៏បានទៅទស្សនៈកិច្ចនៅកន្លែងសំខាន់ៗក្នុងប្រទេសឥណ្ឌាដូចជា៖

– សាលារៀនឆ្លាតវៃ Dehradu (Smart School Dehradu)

– ភ្នាក់ងារអភិវឌ្ឍន៍ បច្ចេកវិទ្យាព័ត៌មាន (ITDA) ផ្ដោតលើទីក្រុងឆ្លាតវៃ និងលំនៅដ្ឋានក្នុងទីក្រុង (Smart City and Urban Housing)

– ទស្សនា និងសិក្សាស្វែងយល់ពីប្រព័ន្ធ អប់រំឆ្លាតវៃនៅ Government-Girl Inter College

– ទស្សនៈកិច្ចរដ្ឋបាលស្រុក Haridwar ដែលស្ថិតនៅភាគនិរតីនៃរដ្ឋ Uttrakhand នៃប្រទេសឥណ្ឌា ដើម្បីសិក្សាស្វែងយល់ពីប្រព័ន្ធគ្រប់គ្រងរដ្ឋបាល និងការអភិវឌ្ឍន៍

– ទស្សនៈកិច្ចសហគមន៍ (KRIBHCO Cooperative and Beyond) ដើម្បីមើលពីការរស់នៅ និងការប្រកបអាជីវកម្មរបស់ប្រជាពលរដ្ឋឥណ្ឌានៅតាមសហគមន៍

– និងបានទស្សនាដងទន្លេគង្គារ (Ganges River) នៅក្នុងរដ្ឋ Uttrakhand នៃប្រទេសឥណ្ឌា៕

ថ្ងៃចន្ទ ១៤រោច ខែកត្តិក ដល់ថ្ងៃសុក្រ ១០កើត ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹង ថ្ងៃទី១១-២២ ខែធ្នូ ឆ្នាំ២០២៣

#មន្ទីរកិច្ចការនារីខេត្តកោះកុង