ក្រុមគណៈប្រតិភូនៃក្រសួងសុខាភិបាល ចុះពិនិត្យ វាយតម្លៃ ការអនុវត្តការគ្រប់គ្រង ការត្រួតពិនិត្យ និងការបង្ការចម្លងរោគ (Infection Prevention and Control) នៅក្នុងមន្ទីរពេទ្យបង្អែកខេត្តកោះកុង។
នៅរសៀលថ្ងៃចន្ទ ៦កើត ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៨ ត្រូវនឹងថ្ងៃទី១៨ ខែធ្នូ ឆ្នាំ២០២៣ លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យបង្អែកខេត្តកោះកុង ថ្នាក់ដឹកនាំមន្ទីរពេទ្យ និងថ្នាក់ដឹកនាំតាមបណ្ដាផ្នែក បានទទួលស្វាគមន៍ក្រុមគណៈប្រតិភូនៃក្រសួងសុខាភិបាល អញ្ជើញចុះ
មកពិនិត្យ វាយតម្លៃ ការអនុវត្តការគ្រប់គ្រង ការត្រួតពិនិត្យ និងការបង្ការចម្លងរោគ (Infection Prevention and Control) នៅក្នុងមន្ទីរពេទ្យ ក្នុងគោលបំណងពង្រឹងការងារនេះឱ្យកាន់តែប្រសើរឡើង ដែលនេះគឺជាសមាសភាពដ៏សំខាន់ មិនអាចខ្វះបាន ក្នុងការចូលរួមចំណែកធ្វេីឱ្យការបម្រើសេវានៅក្នុងមន្ទីរពេទ្យ ក៏ដូចជានៅតាមមូលដ្ឋានសុខាភិបាលផ្សេងៗប្រកបដោយសុវត្ថិភាព គុណភាព និងប្រសិទ្ធភាព។
ថ្ងៃចន្ទ ៦កើត ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៨ ត្រូវនឹងថ្ងៃទី១៨ ខែធ្នូ ឆ្នាំ២០២៣។
