រដ្ឋបាលខេត្តកោះកុង

លោក ប្រាក់ វិចិត្រ អភិបាល នៃគណៈអភិបាលក្រុងខេមរភូមិន្ទ និងលោក សាក់ រ៉ាវី នាយករងរដ្ឋបាលក្រុង បានអញ្ជើញចូលរួមកិច្ចប្រជុំពិភាក្សា ជាមួយវិទ្យាស្ថាន UPDIS ដើម្បីរៀបចំផែនការមេអភិវឌ្ឍន៍ខេត្ត ជាប់មាត់សមុទ្រជារបៀងសេដ្ឋកិច្ចពហុបំណង និងប្រទាក់ក្រឡា ។ កិច្ចប្រជុំពិភាក្សានេះ បានរៀបចំឡើងដោយក្រសួងសេដ្ឋកិច្ច និងហិរញ្ញវត្ថុ បានចុះកិច្ចសន្យាលើសេវាកម្មរៀបចំផែនការមេដើម្បីអភិវឌ្ឍ និងប្រែ ក្លាយខេត្តព្រះសីហនុទៅជាតំបន់សេដ្ឋកិច្ចពហុបំណងជាមួយវិទ្យាស្ថាននគរូបនីយកម្ម និងឌីសាញសិនជិន (Urban Planning and Design Institute of Shenzhen- UPDIS)។ ដើម្បីពង្រីកវិសាលភាពនៃការរៀបចំ ផែនការមេនេះ រាជរដ្ឋាភិបាលបានសម្រេចដាក់បញ្ចូលខេត្តកោះកុង ខេត្តកំពត និងខេត្តកែប ដោយធ្វើវិសោធនកម្មលើកិច្ចសន្យា ដែលបានប្តូរឈ្មោះផែនការមេទៅជា “ផែនការមេអភិវឌ្ឍខេត្តព្រះសីហនុជាតំបន់សេដ្ឋកិច្ច ពិសេសគំរូពហុបំណង និងអភិវឌ្ឍបណ្តាខេត្តជាប់ឆ្នេរសមុទ្រកម្ពុជា ជារបៀងសេដ្ឋកិច្ចពហុបំណង និងប្រទាក់ក្រឡា” និងដើម្បីប្រមូលទិន្នន័យ ឯកសារពាក់ព័ន្ធនានា រដ្ឋបាលខេត្ត និងវិទ្យាស្ថាន UPDIS។
កិច្ចប្រជុំប្រព្រឹត្តទៅនៅសាលប្រជុំ( ខ) សាលាខេត្តកោះកុង ។
វេលាម៉ោង ២៖៣០ នាទីរសៀល ថ្ងៃព្រហស្បតិ៍ ១០ រោច ខែកត្តិក ឆ្នាំថោះ បញ្ចស័ក ពស២៥៦៧ ត្រូវនឹងថ្ងៃទី៧ ខែធ្នូ ឆ្នាំ២០២៣។
December ,7, 2023

#ប្រភពពីរដ្ឋបាលក្រុងខេមរភូមិន្ទ#