លោក សាង ស៊ីណេត អភិបាលរងស្រុក តំណាងលោក ក្រូច បូរីសីហា អភិបាលនៃគណ:អភិបាលស្រុក បានដឹកនាំ មន្ត្រីរាជការសាលាស្រុក ក្រុមការងារថ្នាក់ស្រុកចុះមូលដ្ឋានឃុំតានូន បានអញ្ជើញចូលរួមពិធីបុណ្យកឋិនទានសាមគ្គី និងបាននាំយកគ្រឿងបរិក្ខារ សំពត់កឋិន និងបច្ច័យ របស់លោក ក្រូច បូរីសីហា អភិបាល នៃគណៈអភិបាលស្រុកបូទុមសាគរ ដើម្បីដង្ហែវេរប្រគេនព្រះសង្ឃដែលគង់ចាំព្រះវស្សាអស់ត្រីមាស ក្នុងពទ្ធសីមា វត្តប្រជារដ្ឋកំសាន្តឋានសួគ៌ ដែលមានទីតាំងស្ថិតនៅក្នុងភូមិទួលពោធិ៍ ឃុំតានូន ស្រុកបូទុមសាគរ ខេត្តកោះកុង។ ដោយមានការចូលរួមពី ឯកឧត្ដម លោកជំទាវ លោក លោកស្រី និងពុទ្ធបរិស័ទ ញាតិមិត្តជិតឆ្ងាយ ប្រកបដោយសេចក្តីជ្រះក្នុងព្រះពុទ្ធសាសនា។សូមអនុមោទនាបុណ្យដោយសេចក្ដីជ្រះថ្លា!!!
ប្រភព:រដ្ឋបាលស្រុកបូទុមសាគរ
====================
ថ្ងៃអាទិត្យ ១៤ កើត ខែកត្តិក ឆ្នាំថោះបញ្ចស័ក ពុទ្ធសករាជ ២៥៦៧ត្រូវនឹងថ្ងៃទី២៦ ខែវិច្ឆិកា ឆ្នាំ២០២៣
