រដ្ឋបាលខេត្តកោះកុង

លោក យូ មី ប្រធានក្រុមប្រឹក្សាក្រុង លោក ប្រាក់ វិចិត្រ អភិបាលក្រុង អញ្ជើញដឹកនាំ លោក លោកស្រី សមាជិកក្រុមប្រឹក្សាក្រុង លោក លោកស្រី អភិបាលរងក្រុង នាយក នាយករងរដ្ឋបាល ប្រធាន អនុប្រធាន និងមន្រ្តី ការិយាល័យ និងអង្គភាព នៃរចនាសម្ព័ន្ធរដ្ឋបាលក្រុងខេមរភូមិន្ទ ព្រមទាំងលោក លោកស្រី ប្រធាន និងសមាជិកក្រុមប្រឹក្សាសង្កាត់ទាំងបី ចូលរួមពិធីគោរពវិញ្ញាណក្ខន្ធ មហាឧបាសិកា យិប ថាំកេសន ដែលត្រូវជាមាតាក្មេក សម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា ដែលបានទទួលមរណភាព នៅថ្ងៃចន្ទ ទី២០ ខែវិច្ឆិកា ឆ្នាំ២០២៣ វេលាម៉ោង ១២:២០នាទី រសៀល ក្នុងជន្មាយុ ៩៩ឆ្នាំ ដោយជរាពាធ ។ ពិធីគោរពវិញ្ញាណក្ខន្ធ ប្រព្រឹត្តទៅនៅភូមិគ្រឹះសម្តេចពិជ័យសេនា ស្ថិតក្នុងភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង ។
ថ្ងៃពុធ ១០ កើត ខែកត្តិក ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២២ ខែវិច្ឆិកា ឆ្នាំ២០២៣។

#ប្រភពពីរដ្ឋបាលក្រុងខេមរភូមិន្ទ#