រដ្ឋបាលខេត្តកោះកុង

លោកស្រី ឃុន ស្រីម៉ៅ សមាជិកក្រុមប្រឹក្សាឃុំ ទទួលបន្ទុកកិច្ចការស្ត្រី និងកុមារឃុំ និងលោក ឈេង ហៃ សមាជិកក្រុមប្រឹក្សាឃុំ រួមដំណើរដោយក្រុមការងារភូមិតាមាឃ អញ្ជើញចូលរួមរំលែកមរណៈទុក្ខ និងនាំយកបច្ច័យរបស់រដ្ឋបាលឃុំចំនួន១៨ម៉ឺនរៀល និងគ្រឿងឧបភោគបរិភោគមួយចំនួនរួមមាន អង្ករ១បាវ=៥០គីឡូក្រាម ទឹកស៊ីអ៊ីវ១យួរ និងមី១កេស ជូនដល់ក្រុមគ្រួសាររបស់សពលោកស្រី ផេង លេក ដែលបានទទួលមរណៈភាពកាលពីល្ងាចថ្ងៃទី១៩ ខែវិច្ឆិកា ឆ្នាំ២០២៣ ក្នុងជន្មាយុ៣៨ឆ្នាំ ដោយរោគគាពាធ ស្ថិតនៅភូមិតាមាឃ ឃុំអណ្តូងទឹក ស្រុកបូទុមសាគរ ខេត្តកោះកុង។

ប្រភព៖រដ្ឋបាលឃុំអណ្តូងទឹក

—————————————

ថ្ងៃចន្ទ ៨ កើត ខែកត្តិក ឆ្នាំថោះ បញ្ចស័ក ពុទ្ធសករាជ ២៥៦៧

ត្រូវនឹងថ្ងៃទី២០ ខែវិច្ឆិកា ឆ្នាំ២០២៣ វេលាម៉ោង០៩:៣០នាទីព្រឹក