លោកស្រី អ៊ិន សោភ័ណ្ឌ អនុប្រធានអនុសាខាកាកបាទក្រហមស្រុកបូទុមសាគរ និងក្រុមការងារបានទទួលទេយ្យទានពីព្រះតេជគណ ស៊ឹម វុទ្ធី ព្រះគ្រូចៅអធិការ វត្តប្រជារដ្ឋកំសាន្តឋានសួរ ស្ថិតនៅភូមិទួលពោធិ៍ថ្មី ឃុំតានូន ស្រុកបូទុមសាគរ ដែលបានបរិច្ចាគទេយ្យទានជាគ្រឿងឧបភោគបរិភោគ និងបច្ច័យក្នុងនោះរួមមាន អង្ករ ៤គីឡូស្មើ២០០គីឡូ មីម៉ាម៉ា៦កេស មី៣រស់ជាតិ១កេស ភេសជ្ជៈ ៣កេស ត្រីខ៦ឡូ ទឹកស៊ីអ៊ី៤ឡូ ទឹកដោះគោ២០កំប៉ុង តែ២០កញ្ចប់ និងថវិកា ៣០០,០០០រៀល ជូនអនុសាខាកាកបាទក្រហមកម្ពុជាស្រុកបូទុមសាគរ សម្រាប់យកមកចែកជូនប្រជាពលរដ្ឋជួបការលំបាកប្រចាំថ្ងៃ។ ក្នុងឱកាសនោះលោកស្រីប្រធានក្រុមប្រឹក្សាស្រុក និងលោកស្រីអនុប្រធានគណៈកម្មាធិការអនុសាខា សូមថ្លែងអំណរគុណយ៉ាងជ្រាលជ្រៅបំផុតប្រគេនចំពោះ ព្រះតេជគណ ព្រះគ្រូចៅ អធិការវត្តដែលមានទឹកព្រះទ័យជ្រះថ្លាបរិច្ចាគទេយ្យទានជាគ្រឿងឧបភោគបរិភោគយ៉ាងច្រើនសន្ធឹកសន្ធាប់ជូនអនុសាខាដើម្បីបម្រើសកម្មភាពមនុស្សធម៌របស់អនុសាខាកាកបាទក្រហមកម្ពុជាស្រុកបូទុមសាគរ។
ប្រភព:រដ្ឋបាលស្រុកបូទុមសាគរ
====================
ថ្ងៃសៅរ៍ ៦ រោច ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៤ ខែវិច្ឆិកា ឆ្នាំ២០២៣
