លោក ក្រូច បូរីសីហា អភិបាលស្រុក បូទុមសាគរ បានបើកកិច្ចប្រជុំសម្របសម្រួល ស្តីពីបញ្ហាផ្គត់ផ្គង់ទឹកស្អាតពុំមានច្បាប់អនុញ្ញាត ស្ថិតនៅភូមិថ្មស ឃុំថ្មស ស្រុកបូទុមសាគរ ខេត្តកោះកុង
លោក ក្រូច បូរីសីហា អភិបាលស្រុក បូទុមសាគរ បានបើកកិច្ចប្រជុំសម្របសម្រួល ស្តីពីបញ្ហាផ្គត់ផ្គង់ទឹកស្អាតពុំមានច្បាប់អនុញ្ញាត ស្ថិតនៅភូមិថ្មស ឃុំថ្មស ស្រុកបូទុមសាគរ ខេត្តកោះកុង ដោយមានការចូលរួមពី អាជ្ញាធរ ភូមិ ឃុំ រួមជាមួយភាគីពាក់ព័ន្ធ។
ក្រោយពីធ្វើការសម្របសម្រួលគ្នារួចមកលោកប្រធានអង្គប្រជុំបានផ្ដល់គោលជំហនៃការដោះស្រាយរបស់រដ្ឋបាលស្រុកមាន÷
-ទី១. ភាគីដើមបណ្ដឹងត្រូវសិក្សាពីបណ្ដាញផ្គត់ផ្គង់ទឹករបស់ភាគីចុងបណ្ដឹងក្នុងតម្លៃណាដើម្បីទិញយក
-ទី២. ភាគីចុងបណ្ដឹងត្រូវសិក្សាពីបណ្ដាញផ្គត់ផ្គង់ទឹករបស់ភាគីដើមបណ្ដឹងក្នុងតម្លៃណាដើម្បីទិញយក
-ទី៣. ភាគីចុងបណ្ដឹង និងភាគីដើមបណ្ដឹង ត្រូវពិភាក្សាគ្នាក្នុងតំលៃណាមួយ ដើម្បីឲ្យគាគីខាងចុងបណ្តឹង ជ្រកក្រោមអាជ្ញាប័ណ្ណ របស់ភាគីដើមបណ្ដឹង ក្នុងការផ្គត់ផ្គង់ទឹកបន្ត។
សំណូមពររបស់ភាគី៖
-ភាគីដើមបណ្តឹង៖ សំណូមពរចង់ប្រកបអាជីវកម្មផ្គត់ផ្គង់ទឹកផ្តាច់មុខដដែលដោយផ្អែកលើអាជ្ញាប័ណ្ណដែលមានស្រាប់។
-ភាគីចុងបណ្តឹង៖ សំណូមពរឱ្យមន្ទីរចុះពិនិត្យសិក្សាទឹកដែលលោកបានផ្គត់ផ្គង់ ដើម្បីស្នើសុំធ្វើអាជ្ញាប័ណ្ណប្រកបអាជីវកម្មទឹកស្អាតតាមផ្លូវច្បាប់។
ជាលទ្ធផល៖
ភាគីទាំងពីរស្នើសុំគិតពិចារណា ពិគ្រោះយោបល់គ្នា និងដោះស្រាយគ្នាពេលក្រោយ។
ដូចនេះលោកប្រធានអង្គប្រជុំបានទុកពេលមួយរយ:ជូនដល់ភាគីទាំងពីរធ្វើការគិតពិចារណា ពិគ្រោះយោបល់គ្នា និងរៀបចំកិច្ចប្រជុំសម្របសម្រួលលើកក្រោយទៀត។នៅសាលប្រជុំ”ខ”សាលាស្រុកបូទុមសាគរ
ប្រភពៈរដ្ឋបាលស្រុកបូទុមសាគរ
===================
ថ្ងៃសុក្រ ១៣ កើត ខែអស្សុជ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៧ ខែតុលា ឆ្នាំ២០២៣
វេលាម៉ោង ០២:០០ នាទីរសៀល
