រដ្ឋបាលខេត្តកោះកុង

ដោយមានការយកចិត្តទុកដាក់ពី លោកឧត្តមសេនីយ៍ទោ សំឃិត វៀន ស្នងការនគរបាលខេត្ត នៅថ្ងៃអាទិត្យទី២២ មីនា ឆ្នាំ ២០២០ បានចាត់ក្រុមការងារដឹកនាំដោយ លោកឧត្តមសេនីយ៍ត្រី លឹម ឆាយ ស្នងការរងផែនករងារ ភស្តុភារ និងហិរញ្ញវត្ថុ លោកវរសេនីយ៍ឯក ហេង លាង អធិការនគរបាលក្រុងខេមរភូមិន្ទ បានដឹកនាំក្រុមការងារទៅចូលរួមពិធីបុណ្យសព​ លោកអនុសេនីយ៍ទោ អ៊ុយ សម្បត្តិ នាយរងផ្នែក អធិការដ្ឋាននគរបាលក្រុងខេមរភូមិន្ទ ដល់ស្រុកកំណើរបស់សពស្ថិតនៅភូមិខ្លាគ្រហឹម ឃុំតាភេម ស្រុកត្រាំកក់ ខេត្តតាកែវ។ ក្នុងពិធីនោះដែរមាន ការបំពាក់ឋានន្តរសក្ដិថ្នាក់អនុសេនីយ៍ឯក ជាកិច្ចបច្ឆាមរណៈ គោរពវិញ្ញាណក្ខន្ធ ប្រគល់ប្រាក់សមាគមមិត្តនគរបាលជាតិ ចំនួន ៦,០០០,០០០រៀល និងថវិកាចូលបុណ្យរបស់មន្រ្តីក្រោមឱវាទស្នងការដ្ឋាននគរបាលខេត្ត និងញាតិមិត្តខេត្តកោះកុងសរុបចំនួន ២,១៧៥,០០០៛ និង១៣៥ ដុល្លារ ជូនដល់គ្រួសារសពផងដែរ។​ ​​​
លោករសេនីយ៍ឯក ហេង អធិការនគរបាល ក្រុងខេមរភូមិន្ទ បានមាន​មតិ​សំណេះ សំណាលទាំងក្តុកក្តួល និងសោកស្តាយបំផុតចំពោះការ​បាត់​បង់​មន្ត្រីដែលបានរួមការងារ អស់រយ:ពេលច្រើនឆ្នាំកន្លងមក។ ជាមួយគ្នានោះដែរលោកក៍បានពាំនាំប្រសាសន៍ផ្តាំផ្ញើ ពីសំណាក់ថ្នាក់ដឹកនាំគ្រប់លំដាប់ថ្នាក់់ ពិសេសសម្តេច​ ក្រឡាហោម ស ខេង ឧបនាយករដ្ឋមន្រី្ត រដ្ឋមន្ត្រីក្រសួងមហាផ្ទៃ​ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ លោកឧត្តមសេនីទោសំឃិត វៀន ស្នងការនគរបាលខេត្តកោះកុង ដែលលោកតែងតែមានការយកចិត្តទុកដាក់ខ្ពស់ ចំពោះបងប្អូន​មន្រ្តីនគរបាលជាតិ មានទុក្ខលំបាក មិនថានៅជិត ឬឆ្ងាយក៍ដោយ។
ប្រភព : ស្នងការដ្ឋាននគរបាលខេត្តកោះកុង