ថ្ងៃព្រហស្បតិ៍ ១៣កើត ខែជេស្ឋ ឆ្នាំថោះ បញ្ចស័ក ពុទ្ធសករាជ២៥៦៧ ត្រូវនឹងថ្ងៃទី១ ខែមិថុនា ឆ្នាំ២០២៣
នៅរសៀលថ្ងៃព្រហស្បតិ៍ ១៣កើត ខែជេស្ឋ ឆ្នាំថោះ បញ្ចស័ក ពុទ្ធសករាជ២៥៦៧ ត្រូវនឹងថ្ងៃទី១ ខែមិថុនា ឆ្នាំ២០២៣ លោក អន សុធារិទ្ធ អភិបាលរង នៃគណៈអភិបាលខេត្តកោះកុង បានអញ្ជើញដឹកនាំក្រុមការងារនៃអន្តរវិស័យ មានថ្នាក់ដឹកនាំ នៃមន្ទីរបរិស្ថានខេត្តកោះកុង មន្ទីរសុខាភិបាលខេត្តកោះកុង មន្ទីរពេទ្យបង្អែកខេត្តកោះកុង និងមន្ត្រីពាក់ព័ន្ធ ចុះពិនិត្យផ្ទាល់ដល់ទីតាំងឡដុតសម្រាមឆ្លងរោគចាស់នៅក្នុងមន្ទីរពេទ្យ និងជួបប្រជុំពិភាក្សាគ្នានៅបន្ទប់ប្រជុំមន្ទីរពេទ្យបង្អែកខេត្តកោះកុង ស្តីអំពីបញ្ហាដែលមន្ទីរពេទ្យបង្អែកខេត្តកោះកុងកំពុងខ្វះខាតឡដុតសម្រាមឆ្លងរោគ ដោយសារឡដែលបាននិងកំពុងប្រើប្រាស់មានសភាពចាស់ទ្រុឌទ្រោមខ្លាំង ពុគផុយ បាក់បែកទៅហើយ ព្រមទាំងពិភាក្សាស្វែងរកដំណោះស្រាយ និងនីតិវិធីយ៉ាងណាដើម្បីអាចឆ្លើយតបទៅនឹងតម្រូវការចាំបាច់និងបន្ទាន់នេះ អាចឱ្យមន្ទីរពេទ្យឆាប់មានឡដុតសម្រាមឆ្លងរោគសម្រាប់ប្រើប្រាស់បានសមរម្យ។
