លោកឧត្តមសេនីយ៍ទោ សុខសុវត្តិ ទុម មេបញ្ជាការ តំបន់ប្រតិបត្តិការសឹករងកោះកុង បានចាត់តាំងកម្លាំងចុះសួរសុខទុក្ខលោកឧត្តមសេនីយ៍ត្រី ថាច រដ្ឋា មេបញ្ជាការរងតំបន់ប្រតិបត្តិការសឹករងកោះកុង ដែលកំពុងសម្រាកព្យាបាលជំងឺនៅគេហដ្ឋាន
លោកឧត្តមសេនីយ៍ទោ សុខសុវត្តិ ទុម មេបញ្ជាការ តំបន់ប្រតិបត្តិការសឹករងកោះកុង បានចាត់តាំងកម្លាំងចុះសួរសុខទុក្ខលោកឧត្តមសេនីយ៍ត្រី ថាច រដ្ឋា មេបញ្ជាការរងតំបន់ប្រតិបត្តិការសឹករងកោះកុង ដែលកំពុងសម្រាកព្យាបាលជំងឺនៅគេហដ្ឋាន។
(កោះកុង) ថ្ងៃទី២៤ ខែឧសភា ឆ្នាំ២០២៣ លោកឧត្តមសេនីយ៍ត្រី កែវ វិចិត្រ មេបញ្ជាការរង នាយសេនាធិការ តំណាងលោកឧត្តមសេនីយ៍ទោ សុខសុវត្តិ ទុម មេបញ្ជាការ និងសហការី នាំយកផ្លែឈើ ០១កន្រ្តក និងថវិកា មូយចំនួន សួរសុខទុក្ខលោកឧត្តមសេនីយ៍ត្រី ថាច រដ្ឋា មេបញ្ជាការរងតំបន់ប្រតិបត្តិការសឹករងកោះកុង ដែលកំពុងសម្រាកព្យាបាលជំងឺនៅគេហដ្ឋាន ស្ថិតនៅភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។
លោកឧត្តមសេនីយ៍ត្រី កែវ វិចិត្រ បានពាំនាំការសាកសួរសុខទុក្ខពីលោកមេបញ្ជាការកងឯកភាព សូមជូនពរអោយលោកឧត្តមសេនីយ៍ត្រី ថាច រដ្ឋា បានឆាប់ជាសះស្បើយពីជំងឺ ដើម្បីចូលរួមបំរើការងារជូនជាតិមាតុភូមិ។
ក្នុងឱកាសនោះដែរលោកឧត្តមសេនីយ៍ត្រី ថាច រដ្ឋា បានថ្លែងអំណរគុណដល់លោកមេបញ្ជាការ រួមទាំងថ្នាក់ដឹកនាំកងឯកភាព នាយទាហាន នាយទាហានររងទាំងអស់ដែលតែងតែគិតគូដល់យុទ្ធមិត្តដែលមានជំងឺ ជួបការលំបាក .ក្នុងស្មារតីសិល្បៈចែករំលែក។សូមជូនពរអោយអស់លោក លោកស្រី ជៀសផុតពីជំងឺផងទាំងឡាយ.ជួបតែសេចក្តីសុខសេចក្តីចម្រើន ទទួលបានជោគជ័យគ្រប់ភារកិច្ច៕
