ស្រុកកោះកុង ៖ ថ្ងៃសុក្រ ១១ រោច ខែអស្សុជ ឆ្នាំខាលចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២១ ខែតុលា ឆ្នាំ២០២២ លោក អ៊ឹង ទូច សមាជិកក្រុមប្រឹក្សាស្រុកនិងជាសមាជិកគណៈកម្មាធិការលទ្ធកម្មស្រុកកោះកុង តំណាងលោក ជា សូវី អភិបាល នៃគណៈអភិបាលស្រុក និងជាប្រធានគណៈកម្មាធិការលទ្ធកម្មស្រុកកោះកុង បានដឹកនាំពិធីបើកសំណើដេញថ្លៃជាសាធារណៈ ស្តីពីការងារជួសជុលផ្លូវមេតុងអាមេចំនួន ០១ខ្សែ ប្រវែង ៤៤៦ម៉ែត្រ ទទឹង ៦ម៉ែត្រ កម្រាស់ ១៥០មម នៅភូមិអន្លង់វ៉ាក់ ឃុំតាតៃក្រោម ស្រុកកោះកុង ខេត្តកោះកុង សម្រាប់ឆ្នាំ២០២២ នៅសាលប្រជុំសាលាស្រុកកោះកុង។
សមាសភាពចូលរួមមានគណៈកម្មាធិការលទ្ធកម្ម តំណាងមន្ទីរសេដ្ឋកិច្ចនិងហិរញ្ញវត្ថុ និងក្រុមហ៊ុនចូលរួមដេញថ្លៃគម្រោង។
ក្រុមហ៊ុនដែលចូលរួមដេញថ្លៃ រួមមាន៖
១/សហគ្រាស កក់ ស៊ុនសេង
២/សហគ្រាស ម៊ុត ភេន
៣/សហគ្រាស តាតា
