រដ្ឋបាលខេត្តកោះកុង

រដ្ឋបាលឃុំតាតៃក្រោម បានបើកកិច្ចប្រជុំដេញថ្លៃគម្រោងសាងសង់ផ្លូវលំក្រាលក្រួសក្រហម ០១ខ្សែ ប្រវែង ១,៥៥៧ ម៉ែត្រ ទទឹង ៤ ម៉ែត្រ កំរាស់០.១៥ ម៉ែត្រ និងស្លាកសញ្ញា ០១កន្លែង ( គម្រោងមូលនិធិឃុំ ឆ្នាំ២០១៩ ) ដែលមានទឹកប្រាក់សរុបចំនួន ៧២.៨៩៦.៦៧៧ រៀលគត់ ក្រោមអធិបតីភាព លោក ធិន សម្បត្តិ ប្រធានគណៈកម្មការលទ្ធកម្មឃុំ និងជាមេឃុំតាតៃក្រោម សមាសភាពចូលរួមមាន លោក សេក សំអុល នាយកទីចាត់ការផែនការ និងវិនិយោគខេត្តកោះកុង ក្រុមប្រឹក្សាឃុំតាតៃក្រោម មេភូមិ ប្រជាពលរដ្ឋ និងតំណាងក្រុមហ៊ុន សរុបចំនួន ២០នាក់ ស្រី ០៤នាក់។ ក្រោយពីការពិនិត្យលើសំណើរដេញថ្លៃរួចមក គណៈកម្មការលទ្ធកម្មឃុំ បានពិនិត្យឃើថា ក្រុមហ៊ុនដែលបានចូលរួមការដេញថ្លៃ មានចំនួន ០២ក្រុមហ៊ុនប៉ុណ្ណោះ។ បើយោងតាមសៀវភៅណែនាំស្តីពីការអនុវត្តគម្រោងមូលនិធិឃុំ សង្កាត់ ករណីមានតែពីរក្រុមហ៊ុនបែបនេះ គណៈកម្មការលទ្ធកម្ម អាច លុបចោលការដេញថ្លៃ ឬទទួលយកជាបណ្តោះអាសន្ន ហើយគណៈកម្មការលទ្ធកម្មត្រូវ ធ្វើសំណើរជាលាយលក្ខណ៍អក្សរទៅអភិបាលខេត្ត ដើម្បីសុំបើកសំណើដេញថ្លៃម្ដងទៀត។