លោក ទុំ នី អភិបាលរងស្រុកបានដឹកនាំប្រជុំសិក្សាលើបញ្ហារកទីតាំងដីសម្បទានសង្គមកិច្ច និងសង់ផ្ទះអំណោយកាកបាតក្រហមជូនលោក ឈុំ មឿន និងអ្នកស្រី អោក សុន ស្ថិតនៅភូមិត្រពាំងឈើត្រាវ ឃុំ ឬស្សីជ្រុំ ដោយមានការចូលរួមពី មន្រ្តីភូមិបាលស្រុក លោក មេឃុំ ក្រុមប្រឹក្សាឃុំ ស្មៀនឃុំ និងលោកអនុភូមិត្រពាំងឈើត្រាវ។
ក្នុងកិច្ចប្រជុំតាមប្រសាសន៍របស់លោកអភិបាលរង ស្នើឲ្យការិ.ភូមិបាលនិងរដ្ឋបាលឃុំឬស្សីជ្រុំ សិក្សាពីស្ថានភាពនិងជីវភាពគ្រួសារខាងលើឲ្យច្បាស់លាស់សិនមុននឹងផ្តល់ជូនគាត់។
ជាលទ្ឋផលក្រោយពីបញ្ចប់អង្គប្រជុំលោកអភិបាលរងនិងរដ្ឋបាលឃុំឬស្សីជ្រុំសម្រេចកំណត់ពេលចុះពិនិត្យនិងសិក្សាប្រវត្តិ របស់លោក មឿន និងអ្នកស្រី សុន ឲ្យច្បាស់សិន ដើម្បីស្វែងរកដីសង់ផ្ទះជូនពួកគាត់។
ថ្ងៃព្រហស្បតិ៍ ១៥រោច ខែអាសាឍ ឆ្នាំខាល
ចត្វាស័ក ពុទ្ធសករាជ ២៥៦៦
ត្រូវនឹងថ្ងៃទី២៨ ខែកក្កដា ឆ្នាំ២០២២
