លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញសំណេះសំណាល និងសាកសួរសុខទុក្ខ មន្ត្រីរាជការ ជាស្ត្រី កំពុងបម្រើការងារ នៅសាលាខេត្តកោះកុង ក្នុងឱកាសអបអរសាទរទិវាអន្តរជាតិនារី ៨ មីនា ខួបលើកទី១១១។

លោកជំទាវអភិបាលខេត្ត បានលើកឡើងថា ថ្ងៃស្អែកជាថ្ងៃទី ៨មីនា ដើម្បីចូលរួមក្នុងឱកាសអបអរសាទរទិវាអន្តរជាតិនារី ៨ មីនា ខួបលើកទី១១១ ថ្នាក់ដឹកនាំរៀបចំ ជាវត្ថុអនុស្សាវរីយ ជូនបងប្អូន មន្ត្រីរាជការ ជាស្ត្រី ដែលកំពុងបម្រើការងារ នៅក្នុងសាលាខេត្តនាពេលនេះមក។ កន្លងដែលបងប្អូន បានខិតខំបំពេញការងារ បានល្អប្រសើរ និងមានការទទួលខុសត្រូវខ្ពស់ ដើម្បីសម្រេចតាមផែនការរួម ដែលរដ្ឋបាលខេត្ត បានលើកឡើងកន្លងមក សូមបញ្ជាក់ផងដែរថាបងប្អូនមន្ត្រីរាជការ ជាស្រ្តីទាំងអស់ជាចលករ ដ៏សំខាន់ក្នុងការចូលរួមអភិវឌ្ឍន៍គ្រួសារ អភិវឌ្ឍន៍សង្គម ជាធនធានដ៏សំខាន់សក្នុងគ្រួសារដែលមិនអាចខ្វះបាន។ ទិវាអន្តរជាតិនារី ៨មីនា ខួបលើកទី១១១ ក្រោមមូលបទ “សមភាពយេនឌ័រថ្ងៃនេះដើម្បីចីរភាពនាពេលអនាគត"។ កម្មវិធីសំណេះសំណាល បានរៀបចំនាពេលនេះ ចំពេលដែលមានជំងឺកូវីដ-១៩ បានរីករាលដាល ដូច្នេះបងប្អូន ត្រូវតែចេះរក្សាសុខភាព ការពារពីជំងឺផ្សេងៗ ជាពិសេសជំងឺកូវីដ តែម្តង។
ថ្ងៃចន្ទ ៥ កើត ខែផល្គុន ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី៧ ខែមីនា ឆ្នាំ២០២២ March 7, 2022