រដ្ឋបាលខេត្តកោះកុង

សាខា កក្រក ខេត្តកោះកុង៖
(សេចក្តីជូនដំណឹងស្តីពី៖ការរៀបចំផ្សាយផ្ទាល់ នូវកិច្ចសម្ភាសន៍ជាមួយវាគ្មិនតាមរលកវិទ្យុសាគរកោះកុង FM94.5MHz ក្រោមប្រធានបទការរួមគ្នា ទទួលខុសត្រូវទប់ស្កាត់ការចម្លងវីរុសកូវីដ-១៩)
ដោយមានការយកចិត្តទុកដាក់គិតគូរខ្ពស់អំពីសុខុមាលភាពរបស់ប្រជាពលរដ្ឋក្នុងការបង្ការ​ការពារជំងឺឆ្លងកូវីដ១៩​​ពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា,​ សាខាកាកបាទក្រហមកម្ពុជា ខេត្តកោះកុង​ ដែលមាន​ ឯកឧត្តម លោកជំទាវ មិថុនា ភូថង ជាប្រធានគណៈកម្មាធិការសាខា ក្រោមការឧបត្ថម្ភរបស់គណៈកម្មាធិការកាកបាទក្រហមអន្តរជាតិ(ICRC)
នៅថ្ងៃទី៣០-៣១ ខែតុលា ឆ្នាំ២០២១នេះ វេលាម៉ោង១១.០០ ដល់ម៉ោង១២.០០ នាទីថ្ងៃត្រង់សាខាកាកបាទក្រហមកម្ពុជា ខេត្តកោះកុង សហការជាមួយ វិទ្យុសាគរកោះកុង FM94.5MHz និងមានការរៀបចំផ្សាយផ្ទាល់ នូវកិច្ចសម្ភាសន៍ជាមួយវាគ្មិនតាមរលកវិទ្យុខេត្តកោះកុង ក្រោមប្រធានបទ(ការរួមគ្នា ទទួលខុសត្រូវទប់ស្កាត់ការចម្លងវីរុសកូវីដ-១៩)។ដែលមានការអញ្ជើញចូលរួមសម្របសម្រួលពីវាគ្មិន៖១.លោក ឈួន យ៉ាដា នាយកប្រតិបត្តិសាខាកាកបាទក្រហមកម្ពុជា ខេត្តកោះកុង ។២.លោក សាម វណ្ណថា មន្ត្រីឆ្លើយតបបន្ទាន់ជំងឺឆ្លង នៃមន្ទីរសុខាភិបាលខេត្តកោះកុង

ការរៀបចំកម្មវិធីនេះឡើង ក្នុងគោល បំណង ចូលរួមចំណែក ជាមួយរាជរដ្ឋាភិបាល ក៏ដូចជាចង់អោយប្រជាពលរដ្ឋ បានយល់ដឹងអំពីការចូលរួម និងទទួលខុសត្រូវ ក្នុងការទប់ស្កាត់ ការចម្លងវីរុសកូវីត-១៩។

លោកអ្នកមានបំណងចូលរួមមតិយោបល់ ឬសាកសួរព័ត៌មានបន្ថែម អាចទូរស័ព្ទចូលរួមតាមរយៈលេខទូរស័ព្ទ២ខ្សែដូចខាងក្រោមៈ
០៩៦ ២៧ ១៧ ០៧៥
០៨៨ ៦៣ ៦៨ ៣២៤

វាគ្មិន រង់ចាំទទួលបកស្រាយ នូវរាល់ចម្ងល់ របស់អស់លោកអ្នក ដោយក្តីរីករាយ! សូមអរគុណ!