លោក អៀត វណ្ណា ប្រធានមន្ទីរផែនការខេត្ត បានដឹកនាំក្រុមការងារបច្ចេកទេសចូលរួមវេទិកាពិគ្រោះយោបល់ថ្នាក់ខេត្ត ស្តីពីការរៀបចំនិងកសាងកម្មវិធីវិនិយោគបីឆ្នាំរំកិល (២០២២-២០២៤) របស់រដ្ឋបាលខេត្តកោះកុង។
ថ្ងៃសុក្រ ១រោច ខែអស្សុជ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២២ ខែតុលា ឆ្នាំ២០២១ (រដ្ឋបាលមន្ទីរផែនការខេត្តកោះកុង)
លោក អៀត វណ្ណា ប្រធានមន្ទីរផែនការខេត្តបានដឹកនាំក្រុមការងារបច្ចេកទេសលោក ជា ស៊ីវត្រា អនុប្រធានមន្ទីរផែនការខេត្ត លោក អ៊ុំ វណ្ណារ៉ា ប្រធានការិយាល័យផែនការខេត្ត លោក ជឺ ពុទ្ធីម អនុប្រធានការិយាល័យផែនការខេត្តចូលរួមក្នុងវេទិកាពិគ្រោះយោបល់ថ្នាក់ខេត្ត ស្តីពីការរៀបចំនិងកសាងកម្មវិធីវិនិយោគបីឆ្នាំរំកិល (២០២២-២០២៤) របស់រដ្ឋបាលខេត្តកោះកុង។
ក្រោមអធិបតីភាព÷ លោក អ៊ុក ភ័ក្ត្រា អភិបាលរងខេត្ត តំណាងដ៏ខ្ពង់ខ្ពស់លោកជំទាវ មិថុនា ភូថង អភិបាលនៃគណៈអភិបាលខេត្តកោះកុង និងសមាសភាពអញ្ជេីញចូលរួម ឯកឧត្តម លោកជំទាវ សមាជិក្រុមប្រឹក្សាខេត្ត លោកនាយករដ្ឋបាលសាលាខេត្ត លោក-លោកស្រីអភិបាលរងក្រុង/ស្រុក លោក-លោកស្រីប្រធាន អនុប្រធានមន្ទីរ និងមន្ត្រីជំនាញអង្គភាពនានាជុំវិញខេត្ត។
វេទិកាថ្នាក់ខេត្តនេះរៀបចំក្នុងគោលបំណង÷ បង្ហាញអំពីតម្រូវការអភិវឌ្ឍន៍នៅមូលដ្ឋានទូទាំងខេត្ត ដេីម្បីសម្របសម្រួលអោយបន្សុីនិងតម្រូវការអភិវឌ្ឍន៍ទាំងនេះជាមួយគម្រោងនិងធនធានរបស់ដៃគូរអភិវឌ្ឍន៍ អង្គការសង្គមស៊ីវិល វិស័យឯកជន និងអ្នកពាក់ព័ន្ធនានា ដេីម្បីឆ្លេីយតបទៅនឹងតម្រូការរបស់ប្រជាពលរដ្ឋនៅក្នងខេត្តប្រកបដោយប្រសិទ្ធិភាព។
