លោក អៀត វណ្ណា ប្រធានមន្ទីរផែនការខេត្ត បានអញ្ជេីញចូលរួមក្នុងកិច្ចប្រជុំលេីកទី៤ ពីចម្ងាយ (Zoom) ស្តីពីការពិនិត្យលេីវឌ្ឍនភាពការងារ និងទិសដៅការងារបន្តរបស់គណៈកម្មាធិការជំនួយសង្គម។
ព្រឹកថ្ងៃពុធ ២រោច ខែស្រាពណ៌ ឆ្នាំឆ្លូវ ត្រីស័ក ពុទ្ធស័ករាជ ២៥៦៥ ត្រូវនឹងថ្ងៃទី២៥ ខែសីហា ឆ្នាំ២០២១
លោក អៀត វណ្ណា ប្រធានមន្ទីរផែនការខេត្ត បានអញ្ជេីញចូលរួមក្នុងកិច្ចប្រជុំលេីកទី៤ ពីចម្ងាយ (Zoom) ស្តីពីការពិនិត្យលេីវឌ្ឍនភាពការងារ និងទិសដៅការងារបន្តរបស់គណៈកម្មាធិការជំនួយសង្គមជាសាច់ប្រាក់ក្រោយពេលបិទខ្ទប់ និងជំនួយសង្គមជាសាច់ប្រាក់សម្រាប់គ្រួសារដែលបានស្លាប់ដោយសារជំងឺកូវីដ-១៩ និងគ្រួសារដែលមានអ្នកឆ្លងជំងឺកូវីដ-១៩ និងការលំបាកផ្នែកជីវភាពក្នុងព្រឹត្តិការណ៍ ២០ កុម្ភៈ ២០២១។
ជាលទ្ធផលទូទាំងប្រទេស ១-គ្រួសារដែលមានការលំបាកផ្នែកជីវភាពមានចំនួន ១០៨,៩៣០គ្រួសារ ស្នេីនឹងទឹកប្រាក់ ២៧,៨៥៤,៩៦៧,៧០០៛ ២-គ្រួសារដែលមានឆ្លងជំងឺកូវីដ-១៩មានចំនួន ១១,៩០២គ្រួសារ ស្មេីនឹងទឹកប្រាក់ ៣,៣៩៦,០៤៨,៩០០៛ ៣-គ្រួសារដែលមានអ្នកស្លាប់ដោយសារជំងឺកូវីដ-១៩មានចំនួន ៥៦៥គ្រួសារ ស្មេីនឹងទឹកប្រាក់ ៤០៨,៦៥០,០០០៛ សរុបរួម: ១២១,៣៩៧គ្រួសារ ស្មេីនឹងទឹកប្រាក់ ៣១,៦៥៩,៦៦៦,៦០០៛។
ទិសដៅការងារបន្ត:
-ចូលរួមដោះស្រាយភាពមិនប្រក្រតីរបស់មន្រ្តី និងអ្នកទទួលផលសម្រាប់យន្តការបន្ត
-បន្តសហការជាមួយក្រសួង និងមន្ទីរផែនការក្នុងការកំណត់អត្តសញ្ញាណគ្រួសារដែលឆ្លងជំងឺកូវីដ-១៩ ហេីយមានជីវភាពលំបាក
-បន្តសហការជាមួយរដ្ឋបាលរាជធានីខេត្ត ក្រុងស្រុកខណ្ឌ និងឃុំសង្កាត់ក្នុងការស្វែងរកអត្តសញ្ញាណគ្រួសារសព
-ពង្រឹងយន្តការរបស់រដ្ឋបាលថ្នាក់ជាតិ និងថ្នាក់ក្រោមជាតិ ដេីម្បីគាំទ្រការអនុវត្តកម្មវិធីអោយមានប្រសិទ្ធិភាព។
