ក្រុមប្រឹក្សាស្រុក គណៈអភិបាលស្រុកបូទុមសាគរ បានអញ្ជើញដឹកនាំយុទ្ធនាការអប់រំ ផ្សព្វផ្សាយ និងបណ្តុះបណ្តាលប្រជាពលរដ្ឋក្រោមធានបទ "រួមគ្នាទទួលខុសត្រូវទប់ស្កាត់ការចម្លងវីរុសកូវីដ-១៩" នៅសាលាឃុំថ្មស រួចដង្ហែរក្បួនចេញពីសាលាឃុំថ្មស ឆ្ពោះទៅតាមភូមិទាំង៥នៅក្នុងឃុំថ្មស ភូមិថ្មស ស្រែថ្មី ស្រែត្រាវ ចំលងគោ រួចដង្ហែរចេញពីចំណុចអូររអិល ភូមិចំលងគោ ឆ្ពោះទៅឃុំតានូន តាមបណ្ដោយផ្លូវគ្រួសក្រហម បន្ទាប់មកបន្ដដង្ហែរតាមបណ្ដោយផ្លូវកៅស៊ូក្រុមហ៊ុនញ៉ូញៀនភូមិទួលពោធិ៍ថ្មីបានបញ្ចប់យុទ្ធនាការ។
រដ្ឋបាលស្រុក សូមអំពាវនាវ និងស្នើសុំដល់ប្រជាពលរដ្ឋ ដែលមានការពាក់ព័ន្ធ នឹងអ្នកវិជ្ជមានជំងឺកូវីដ-១៩ ក្នុងពេលកន្លងមកនេះសូមមានការប្រុងប្រយ័ត្នធ្វើចត្តាឡីស័កឱ្យបានត្រឹមត្រូវតាមការណែនាំរបស់រាជរដ្ឋាភិបាល និងក្រសួងសុខាភិបាល អាជ្ញាធរមានសមត្ថកិច្ច ព្រមទាំងត្រូវអនុវត្តនូវកាតព្វកិច្ចពាក់ម៉ាស់ និងកាតព្វកិច្ច រក្សាគម្លាតសុវត្ថិភាពឱ្យបានតាមសេចក្តីណែនាំ និងការសម្រេចដាក់ចេញដោយក្រសួងសុខាភិបាល ដែលខេត្តកោះកុងតម្រូវឱ្យមានកាតព្វកិច្ចពាក់ម៉ាស់ និងកាតព្វកិច្ចរក្សាគម្លាតសុវត្ថិភាព។
ប្រភព:រដ្ឋបាលស្រុកបូទុមសាគរ
===============
ថ្ងៃព្រហស្បតិ៍ ១១កើត ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៩ ខែសីហា ឆ្នាំ២០២១
