មន្ទីរកសិកម្ម រុក្ខាប្រមាញ់ និងនេសាទខេត្តកោះកុង៖ ពិធីចែកជូនសម្ភារ និងផ្តល់ទុនធាតុចូលកសិកម្ម ដើម្បីគាំទ្រផែនការអាជីវកម្មរបស់សមាជិបណ្តុំអាជីវកម្មសាវម៉ាវ នៃអនុកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ (ASPIRE) ស្ថិតក្នុងឃុំជីខក្រោម ស្រុកស្រែអំបិល
ថ្ងៃអង្គារ ៩កើត ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៧ ខែសីហា ឆ្នាំ២០២១
វេលាម៉ោង ០៨ ៈ ៣០ នាទីព្រឹក
លោក សុខ សំអាត អនុប្រធានមន្ទីរ និងជាអនុប្រធានអនុកម្មវិធី ASPIRE ខេត្តកោះកុង បានអញ្ជើញជាអធិបតីក្នុងពិធីចែកជូនសម្ភារ និងផ្តល់ទុនធាតុចូលកសិកម្ម ដើម្បីគាំទ្រផែនការអាជីវកម្មរបស់សមាជិបណ្តុំអាជីវកម្មសាវម៉ាវ នៃអនុកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ (ASPIRE) ស្ថិតក្នុងឃុំជីខក្រោម ស្រុកស្រែអំបិល ដោយមានការសម្របសម្រួលដោយមន្រ្តីបច្ចេកទេសថ្នាក់ខេត្ត និងទីប្រឹក្សាអនុកម្មវិធី ASPIRE ថ្នាក់ខេត្ត និងភ្នាក់ងារផ្សព្វផ្សាយឃុំ ដោយមានការអញ្ជើញចូលរួមពីអាធរស្រុក ឃុំ ភូមិ និងការិយាល័យកសិកម្ម ធនធានធម្មជាតិ និងបរិស្ថានស្រុក ព្រមទាំងកសិករដែលជាសមាជិកបណ្តុំមកទទួលបានសម្ភារៈធាតុចូលកសិកម្ម មានចំនួន ៣៨គ្រួសារ។
សម្ភារដែលផ្តល់ជូនរួមមាន៖
១. ជីបំប៉ន ១៥.១៥.១៥ ចំណុះ ៥០គីឡូក្រាម ចំនួន ១០០បាវ
២. ថ្នាំការពាតសត្វល្អិត (ស្រកានាគ) ចំនួន ១៨៨កញ្ចប់
៣. ថ្នាំដង្កូវទូទៅចំណុះ ០,៥០លីត្រ ចំនួន ០៦ដប
៤. ថ្នាំ Superzin 80wp ចំនួន ០៦កញ្ចប់ធំ។
ការផ្តល់ទុនសហវិនិយោគ បានដំណើរការដោយគោរពយ៉ាងខ្ជាប់ខ្ជួននូវវិធានការរបស់ក្រសួងសុខាភិបាល ពាក់ម៉ាស់ រក្សាគម្លាត និងអនាម័យ។ ក្នុងនោះថ្នាក់ដឹកនាំ និងមន្ត្រីជំនាញក៏បានលើកទឹកចិត្តបងប្អូនកសិករ និងផ្តល់ការណែនាំបច្ចេកទេសលើការគ្រប់គ្រង និងដាំដុះ ការប្រើប្រាស់ជី និងថ្នាំកសិកម្មអោយបានត្រឹមត្រូវ ព្រមទាំងដោយការប្រុងប្រយ័ត្នខ្ពស់ ដែលគិតគូពីសុវត្ថិភាពសុខភាពផ្ទាល់ខ្លួនរបស់កសិករ អ្នកហូបក៏ដូចជាបរិស្ថានជុំវិញផងដែរ ពិសេសជាងនេះទៅទៀតក្រុមការងារក៏បានណែនាំកសិករបណ្តុំអោយមានការប្រុងប្រយ័ត្នខ្ពស់ដោយអនុវត្តតាមការណែនាំរបស់រាជរដ្ឋាភិបាលនូវវិធានការ ៣ការពារ ៣កុំ ដើម្បីចូលរួមទប់ស្កាត់ការរីករាលដាននៃជំងឺកូវីដ១៩ទាំងអស់គ្នា។
ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង
