គណ:កម្មការពិនិត្យ និងវាយតម្លៃកម្រិតកែប្រែរបស់ទណ្ឌិតនៅពន្ធនាគារខេត្តកោះកុង រៀបចំកិច្ចប្រជុំ ពិនិត្យវាយតម្លៃកម្រិតកែប្រែរបស់ទណ្ឌិតដែលត្រូវដាក់ស្នើសុំបន្ធូបន្ថយទោស និងលើកលែងទោសក្នុង ឱកាសពិធីបុណ្យជាតិផ្សេងៗ ក្នុងឆ្នាំ២០២១
លោក ទូ សាវុធ អភិបាលរង នៃគណៈអភិបាលខេត្ត និងជាប្រធានគណ:កម្មការពិនិត្យ និងវាយតម្លៃ កម្រិតកែប្រែរបស់ទណ្ឌិតនៅពន្ធនាគារខេត្តកោះកុង តំណាងដ៏ខ្ពង់ខ្ពស់របស់លោកជំទាវអភិបាលខេត្ត បានអញ្ជើញដឹកនាំ សមាជិក សមាជិកា នៃគណៈកម្មការ ដើម្បើប្រជុំពិនិត្យវាយតម្លៃកម្រិតកែប្រែរបស់ ទណ្ឌិតដែលត្រូវដាក់ស្នើសុំបន្ធូបន្ថយទោស និងលើកលែងទោសក្នុងឱកាសពិធីបុណ្យឯករាជ្យជាតិ និង ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២១។
តបតាមសំណើរបស់ពន្ធនាគារខេត្ត ទណ្ឌិតដែលត្រូវដាក់ស្នើសុំបន្ធូបន្ថយទោស និងលើកលែងទោស មានសរុបចំនួន ២៣នាក់ ក្នុងនោះ៖
១.ពិធីបុណ្យឯករាជ្យជាតិ ស្នើសុំ ១១នាក់ (ស្រី ០២)
-បន្ធូបន្ថយទោស ៣ខែ មានចំនួន ០៥នាក់ (ស្រី ០១)
-បន្ធូបន្ថយទោស ៦ខែ មានចំនួន ០២នាក់
-បន្ធូបន្ថយទោស ៩ខែ មានចំនួន ០៣នាក់ (ស្រី ០១)
-លើកលែងទោស មានចំនួន ០១នាក់
២.ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ស្នើសុំ ១២នាក់ (ស្រី ០១)
-បន្ធូបន្ថយទោស ៣ខែ មានចំនួន ០៦នាក់
-បន្ធូបន្ថយទោស ៦ខែ មានចំនួន ០២នាក់
-បន្ធូបន្ថយទោស ៩ខែ មានចំនួន ០១នាក់
-បន្ធូបន្ថយទោស ១២ខែ មានចំនួន ០១នាក់
-លើកលែងទោស មានចំនួន ០២នាក់ (ស្រី ០១)
ជាលទ្ធផល គណៈកម្មការបានសម្រេចឯកភាព លើការដាក់ស្នើសុំបន្ធូបន្ថយទោស និងលើកលែងទោស ៨/១១សំណើ សម្រាប់ពិធីបុណ្យឯករាជ្យជាតិ និង ៧/១២សំណើ សម្រាប់ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២១នេះ។
ក្នុងឱកាសនោះ លោកអភិបាលរងខេត្ត បានស្នើឲ្យ មន្ទីរ អង្គភាព និងសមត្ថកិច្ចពាក់ព័ន្ធ បន្តកិច្ចសហការល្អ បំពេញតួនាទីភារកិច្ចឈរលើស្មារតីទទួលខុសត្រូវ និងអនុវត្តយ៉ាងខ្ជាប់ខ្ជួននូវវិធាន សុខាភិបាលនានា និងវិធានការរបស់រាជរដ្ឋាភិបាល ៣ការពារ ៣កុំ ដើម្បីទប់ស្កាត់ការឆ្លងរាលដាល ជំងឺកូវីដ-១៩ និងជំងឺបំប្លែងថ្មី ដែលតា(Delta) ផងដែរ៕
