លោក គង់ រឿង ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តកោះកុង បានដឹកនាំមន្រ្តីក្រោមឱវាទ ចុះត្រួតពិនិត្យទីតាំងសម្រាប់សាងសង់កន្លែងស្នាក់នៅបន្ថែម ក្នុងមណ្ឌលចត្តាឡីស័កកំរិតស្រាល ដែលស្ថិតក្នុងបរិវេណមន្ទីរសង្គមកិច្ច
កោះកុង៖ថ្ងៃសុក្រ ៧ កើត ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៦ ខែកក្កដា ឆ្នាំ២០២១ វេលាម៉ោង ៣ៈ០០នាទីរសៀល លោក គង់ រឿង ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តកោះកុង បានដឹកនាំមន្រ្តីក្រោមឱវាទចំនួន ០២រូប ដើម្បីចុះត្រួតពិនិត្យទីតាំងសម្រាប់សាងសង់កន្លែងស្នាក់នៅបន្ថែម ក្នុងមណ្ឌលចត្តាឡីស័កកំរិតស្រាល ដែលស្ថិតនៅក្នុងមណ្ឌលកុមារកំព្រាចាស់ ក្នុងបរិវេណមន្ទីរសង្គមកិច្ច ក្រោមអធិបតីភាពលោក សុខ សុទ្ធី អភិបាលរងនៃគណអភិបាលខេត្ត។
