លោក ហាក់ ឡេង អភិបាល នៃគណៈអភិបាលស្រុកបូទុមសាគរ បានដឹកនាំក្រុមការងារ ចំនួន៧នាក់ និងសមាជិកសសយកឃុំ សហការជាមួយនឹងមណ្ឌលសុខភាពថ្មស បានចុះយកសំណាកបងប្អូន អាជីវករ នៅក្នុងផ្សារថ្មស ដែលបានប៉ះពាល់ផ្ទាល់ និងប្រយោល ជាមួយអ្នកមានវិជ្ជមានកូវីដ-១៩
10/07/2021 (8:00 am)
——————-
លោក ហាក់ ឡេង អភិបាល នៃគណៈអភិបាលស្រុកបូទុមសាគរ បានដឹកនាំក្រុមការងារ ចំនួន៧នាក់ និងសមាជិកសសយកឃុំសហការជាមួយនឹងមណ្ឌលសុខភាពថ្មស បានចុះយកសំណាកបងប្អូន អាជីវករ នៅក្នុងផ្សារថ្មស ដែលបានប៉ះពាល់ផ្ទាល់ និងប្រយោល ជាមួយអ្នកមានវិជ្ជមានកូវីដ-១៩ ដើម្បីកាត់ផ្តាច់ក្នុងការឆ្លងរីករាលដាលនៃជំងឺកូវីដ-១៩ នៅក្នុងមូលដ្ឋានស្រុកបូទុមសាគរ។
សូមអញ្ជើញបងប្អូនអាជីវករលក់ដូរក្នុងផ្សារថ្មសទាំងអស់ ចូលរួមក្នុងការធ្វើ តេស្តរកមេរោគកូវីដ -១៩ ដើម្បីការពារទាំងអស់គ្នាប្រសិនបងប្អូន អាជីវករ ក្នុងផ្សារថ្មស ទាំងអស់ ដែលបានប៉ះពាល់ដោយផ្ទាល់ និងប្រយោល និងមានចេតនាមិនចូលរួមសហការ ឬមានបំណងកិចវេស ក្នុងការរកមេរោគកូវីដ-១៩ នោះ និងទទួលការផាកពិន័យដូចខាងក្រោម ៖
– មិនអនុញ្ញាតឳ្យបន្តលក់ដូរនៅក្នុងផ្សារថ្មសឡើយ
– ទទួលការផាកពិន័យជាអន្តការណ៍ ស្របតាមវិធានសុខាភិបាល និងវិធានការរដ្ឋបាលនានា។
#បញ្ជាក់:
-ការធ្វើតេស្តនេះសម្រាប់តែបងប្អូនអាជីវករលក់ដូរក្នុងផ្សារថ្មសទាំងមូល តែប៉ុណ្ណោះ។
ប្រភព:រដ្ឋបាលស្រុកបូទុមសាគរ
——————-
ថ្ងៃសៅរ៍ ១ កើត ខែទុតិយាសាឍ ឆ្នាំឆ្លូវ
ត្រីស័ក ពុទ្ធសករាជ ២៥៦៥
ត្រូវនឹងថ្ងៃទី១០ ខែកក្កដា ឆ្នាំ២០២១
July 10, 2021
