មន្ទីរកសិកម្ម រុក្ខាប្រមាញ់ និងនេសាទខេត្តកោះកុង៖ ចុះសម្របសម្រួលផ្តល់ធាតុចូលកសិកម្ម ជូនដល់សមាជិកបណ្តុំអាជីវកម្មចិញ្ចឹមមាន់ នៅភូមិសុវណ្ណាបៃតង់ ឃុំកណ្តោល ស្រុកបូទុមសាគរ ខេត្តកោះកុង
ថ្ងៃព្រហស្បតិ៍ ១៤រោច ខែបឋមាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៨ ខែកក្តដា ឆ្នាំ២០២១
លោក សុខ សំអាត អនុប្រធានមន្ទីរ និងជាអនុប្រធានអនុកម្មវិធី ASPIRE ខេត្តកោះកុង បានដឹកនាំមន្ត្រីជំនាញថ្នាក់ខេត្តចំនួន ០៦រូប និងទីប្រឹក្សាអនុកម្មវិធី ASPIRE ខេត្ត ចំនួន ០៣រូប បានចុះសម្របសម្រួលផ្តល់ធាតុចូលកសិកម្ម រួមមាន កូនមាន់ពូជអាយុ ២៥ថ្ងៃ, ទ្រុងដាក់កូនមាន់, ស្នូកទឹក, ស្នូកចំណី, វ៉ាក់សាំងការពារជម្ងឺ ៣មុខ, ទូរភ្ញាស់កូនមាន់, ចំណីមាន់, និងថ្នាំព្យាបាល សម្រាប់ចែកជូនដល់សមាជិកបណ្តុំអាជីវកម្មចិញ្ចឹមមាន់ ចំនួន ៤៤នាក់ ស្រី ១៩នាក់ នៅភូមិសុវណ្ណាបៃតង់ ឃុំកណ្តោល ស្រុកបូទុមសាគរ ខេត្តកោះកុង ដោយ ០១នាក់ ទទួលបានដូចខាងក្រោម ៖
១.កូនមាន់ ចំនួន ១៧កូន
២.ទ្រុងដាក់កូនមាន់ ចំនួន ០១
៣. ស្នូកទឹក ចំនួន ០១
៤. ស្នូកចំណី ចំនួន ០១។
ក្នុងនោះកសិករធ្វើបង្ហាញ ចំនួន ០២នាក់ ដោយក្នុង ០១នាក់ ទទួលបានធាតុចូលបន្ថែមដូចខាងក្រោម៖
១. វ៉ាក់សាំងការពារជម្ងឺ ៣មុខ ចំនួន ១ដប,
២. ទូរភ្ញាស់កូនមាន់ ចំនួន ០១
៣. ចំណីមាន់ បានចំនួន ០១ការុង។
ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង
