ថ្ងៃព្រហស្បតិ៍ ៩កើត ខែជេស្ឋ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២០ ខែឧសភា ឆ្នាំ២០២១
ក្រោមការចង្អុលបង្ហាញពីថ្នាក់ដឹកនាំមន្ទីរ និងជាថ្នាក់ដឹកនាំអនុកម្មវិធីផ្សព្វផ្សាយបច្ចេកទេសកសិកម្មថ្មីដែលធន់នឹងការប្រែប្រួលអាកាសធាតុ (ASPIRE) ខេត្តកោះកុង ក្រុមការងាររួមមាន ក្រុមទីប្រឹក្សា មន្ត្រីបច្ចេកទេស មន្ត្រីទទួលបន្ទុកអនុកម្មវិធី (ASPIRE) តាមស្រុកគោលដៅ និងភ្នាក់ងារផ្សព្វផ្សាយឃុំ បានសហការជាមួយអាជ្ញាធរមូលដ្ឋាន និងគ្រួសារកសិករដែលទទួលបានផ្ទះសំណាញ់ពីកម្មវិធី ដើម្បីពិនិត្យមើលស្ថានភាពនៃការតម្លើង និងលក្ខណៈបច្ចេកទេសក្នុងការរៀបចំផ្ទះសំណាញ់ផងដែរ។ ផ្ទះសំណាញ់ទាំងនោះមានចំនួន ០៦ ដូចខាងក្រោម៖
១.ផ្ទះសំណាញ់កសិករ នី សារឿន ភូមិត្រពាំង ឃុំស្រែអំបិល ស្រុកស្រែអំបិល
២.ផ្ទះសំណាញ់កសិករ ឡាយ លី ភូមិសុវណ្ណាបៃតង ឃុំកណ្តោល ស្រុកបូទុមសាគរ
៣.ផ្ទះសំណាញ់កសិករ លី ឡេង ភូមិកៀនក្រឡាញ់ ឃុំភ្ញីមាស ស្រុកគិរីសាគរ
៤.ផ្ទះសំណាញ់កសិករ ញ៉េប ណង ភូមិភ្ញីមាស ឃុំភ្ញីមាស ស្រុកគិរីសាគរ
៥.ផ្ទះសំណាញ់កសិករ ផាន់ សម្ផស្ស ភូមិ១ សង្កាត់ស្មាច់មានជ័យ ក្រុងខេមរភូមិន្ទ
៦.ផ្ទះសំណាញ់កសិករ ឆាយ ពិសី ភូមិបឹងឃុនឆាង សង្កាត់ស្មាច់មានជ័យ ក្រុងខេមរភូមិន្ទ។
ជាលទ្ធផល ផ្ទះសំណាញ់នីមួយៗ សម្រេចបានក្នុងជំហ៊ានទី២ គឺការចាក់ជើងសសរ និងតម្លឹងរោងសំណាញ់ ព្រមទាំងផ្លាស្ទិច ក្នុងនោះមានតែផ្ទះសំណាញ់ចំនួន២ ដែលស្ថិតនៅសង្កាត់ស្មាច់មានជ័យ បានរាយបណ្តាញទុយោទឹករួចរាល់។
ក្រុមការងារមន្ទីរបានលើកទឹកចិត្តដល់កសិករ ក្នុងការពិនិត្យជាក់ស្តែងចំពោះការសាងសង់ ដោយធ្វើការជូនដំណឹងមកភ្នាក់ងារផ្សព្វផ្សាយឃុំ/សង្កាត់ ជាប្រចាំ ។ លើសពីនេះកសិករត្រូវត្រៀមកូន។
ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង
