04/05/2021(02:30 pm)
----------------------------------
រដ្ឋបាលស្រុកបូទុមសាគរ បានបើកកិច្ចប្រជុំស្តីពីការចុះត្រួតពិនិត្យទីតាំងសំណង់ជាប់មាត់ព្រែកអណ្តូងទឹក របស់ លោក ប៉ែន ស៊ីថុន ស្ថិតនៅភូមិអណ្តូងទឹក ឃុំអណ្តូងទឹក ស្រុកបូទុមសាគរ ខេត្តកោះកុង ក្រោម អធិបតីភាព លោក កែវ នីបូរ៉ា អភិបាល នៃគណៈអភិបាលស្រុកបូទុមសាគរ និងជាប្រធានអង្គប្រជុំ ដោយមានការចូលរួមពី ក្រុមការងារជំនាញ មន្ទីររៀបចំដែនដី នគរូបនីយកម្ម សំណង់ និងសុរិយាដីខេត្តកោះកុង នាយករងរដ្ឋបាល ប្រធានការិយាល័យ ដ.ន.ស.ភ និងម្ចាស់សំណង់ ។
ក្រោយពីបានពិភាក្សាលើកកិច្ចប្រជុំខាងលើរួចមក លោកប្រធានអង្គប្រជុំបានចុះទៅពិនិត្យទីតាំងជាក់ស្តែង និងបានវាស់វែងពិនិត្យឃើញថា សំណង់នេះ បានសាងសង់ធ្នឹមក្រវ៉ាត់ និងបានត្រៀមរៀបចំចាក់បេតុងសសរ និងមានទីតាំងជាប់មាត់ព្រែកអណ្តូងទឹក តែម្តង ។
បន្ទាប់ពីបានចុះពិនិត្យទីតាំងរួចមក ក្រុមការងារបានស្នើសុំឲ្យម្ចាស់សំណង់ផ្អាក់ដំណើរការសាងស់ងជាបណ្តោះអាសន្ន រង់ចាំមានការសម្រេចពីថ្នាក់ខេត្ត ។
ប្រភពៈរដ្ឋបាលស្រុកបូទុមសាគរ
-------------------------------------
ថ្ងៃអង្គារ ៨ រោច ខែពិសាខ ឆ្នាំឆ្លូវ
ត្រីស័ក ពុទ្ធសករាជ ២៥៦៥
ត្រូវនឹងថ្ងៃទី៤ ខែឧសភា ឆ្នាំ២០២១
ថ្ងៃនេះ ជាថ្ងៃសីល
May 4, 2021
