ថ្ងៃសៅរ៍ ១៣រោច ខែចេត្រ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១០ ខែមេសា ឆ្នាំ២០២១ វេលាម៉ោង៧:៣០នាទីព្រឹក លោក ប្រាក់ វិចិត្រ អភិបាលស្រុក បានដឹកនាំក្រុមយុវជន ស ស យ ក ស្រុក អាជ្ញាធរឃុំប៉ាក់ខ្លង មេភូមិ អនុប្រធានភូមិ សមាជិកភូមិ ប្រជាការពារភូមិ និងកម្លាំងអធិការដ្ឋាននគរបាលស្រុក ធ្វើការសំអាតអនាម័យបរិស្ថានតាមផ្លូវជាតិលេខ៤៨ ចាប់ពីរង្វល់មូលព្រះបាទជ័យវរ្ម័នទី៧ ដល់តំបន់សេដ្ឋកិច្ចពិសេសនាងកុកកោះកុង ស្ថិតនៅភូមិនាងកុក-ចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង ។