ស្រុកកោះកុង៖ នៅព្រឹកថ្ងៃទី២៥ ខែធ្នូ ឆ្នាំ ២០២០ គណៈកម្មការគ្រប់គ្រងមណ្ឌលសុខភាពបានបើកកិច្ចប្រជុំប្រចាំខែធ្នូ ឆ្នាំ២០២០ ក្រោមអធិបតីភាពលោកស្រី អ៊ិន សុភី អភិបាលរងស្រុក និងជាប្រធានគណៈកម្មការ និងមានការអញ្ជើញចូលរួមពីលោក លោកស្រីសមាជិក
គណៈកម្មការសរុប ០៩នាក់ ស្រី ០៨នាក់ នៅសាលប្រជុំសាលាស្រុកកោះកុង។

កិច្ចប្រជុំនេះបានពិភាក្សាលើសកម្មភាពនៃការផ្តល់សេវារបស់មណ្ឌលសុខភាព ប៉ុស្តិ៍សុខភាព ដោយធ្វើការប្រៀបធៀបលទ្ធផលដែលសម្រេចបានជាមួយនឹងគោលដៅចំណុចប្រចាំឆ្នាំ របាយការណ៏ហិរញ្ញវត្ថុរបស់មណ្ឌលសុខភាព សកម្មភាពចុះផ្សព្វផ្សាយ និងទប់ស្តាត់ជំងឺCOVID-19 របស់មណ្ឌលសុខភាព រួមទាំងការចុះផ្សព្វផ្សាយរបស់សមាជិកគណៈកម្មការតាមឃុំនីមួយៗ និងក្រុមទ្រទ្រង់សុខភាពភូមិ ស្តីអំពីសារៈសំខាន់នៃការពិនិត្យផ្ទៃពោះអោយបានទៀងទាត់ ការចាក់វ៉ាក់សាំងតេតាណូសស្រី្តអាយុពី ១៥ឆ្នាំដល់ ៤៤ឆ្នាំ និងវ៉ាក់សាំងកុមារអាយុក្រោម ០២ឆ្នាំ ការពន្យាកំណើត ការការពារជំងឺរបេង គ្រុនចាញ់ គ្រុនឈាម ការធ្វើតេស្តរកមេរោគអេដស៏ វិធីបង្ការ និងទប់ស្កាត់ជំងឺCOVID-19 និងការអប់រំអំពីអនាម័យសុខភាពសហគមន៍ ព្រមទាំងបញ្ហាប្រឈមនានាដែលកើតមានក្នុងមូលដ្ឋាន។

ប្រភព ៖ រដ្ឋបាលស្រុកកោះកុង