លោក សៀង កក្កដា អភិបាលរងក្រុង តំណាងលោកអភិបាលក្រុង បានដឹកនាំក្រុមការងារ សហការជាមួយក្រុមការងារថ្នាក់ខេត្ត ចុះត្រួតពិនិត្យសកម្មភាពក្រុមហ៊ុនកាយដីដាកលូ និងធ្វើផ្លូវបេតុង
ថ្ងៃព្រហស្បតិ៍ ១០ កើត ខែបុស្ស ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២៤ ខែធ្នូ ឆ្នាំ២០២០ វេលាម៉ោង៩,៣៥ នាទីព្រឹក លោក សៀង កក្កដា អភិបាលរងក្រុង តំណាងលោកអភិបាលក្រុង រួមជាមួយក្រុមការងារទីចាត់ការផែនការវិនិយោគខេត្ត និងគណៈកម្មាធិការលទ្ធកម្មខេត្ត, លោកចៅសង្កាត់ លោកចៅសង្កាត់រងទី២ មេភូមិ៤ បានចុះត្រួតពិនិត្យក្រុមហ៊ុនកាយដីដាក់លូ ដែលមានប្រវែង ១,១៨៧ម៉ែត្រ ពីចំណុចផ្លូវកែងផ្ទះលោកជំទាវអភិបាលខេត្ត មកដល់អនុវិទ្យាល័យដងទង់ នៅភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង ។ ភូមិ៤ ផ្លូវបេតុងខ្សែទី១ ចាក់បានប្រវែង៤៨ម៉ែត្រx៦ម៉ែត្រ នៅចំណុចផ្ទះតាថូង ។ និងផ្លូវបេតុងខែ្សទី២ ចាក់បានប្រវែង១២ម៉ែត្រx៦ម៉ែត្រ នៅខាងលិចផ្ទះទួន ហ្សី ហើយផ្លូវបេតុងទាំងពីរខែ្សនេះ ជាមូលនិធិរបស់ខេត្ត ។
#ប្រភពីរដ្ឋបាលក្រុងខេមភូមិន្ទ#
