រដ្ឋបាលខេត្តកោះកុង

កញ្ញា ផាន់ សម្ផស្ស ប្រធានការិយាល័យក្សេត្រសាស្ត្រ និងផលិតភាពកសិកម្ម និងលោកស្រី សុង សុផាត មន្រ្តីជាប់កិច្ចសន្យាការិយាល័យក្សត្រសាស្ត្រ និងផលិតភាពកសិកម្ម បានសហការជាមួយអគ្គនាយកដ្ឋានកសិកម្ម នៃក្រសួងកសិកម្ម រុក្ខាប្រមាញ់ និងនេសាទ ដោយមានការចូលរួមពីលោកអភិបាលរង នៃគណៈអភិបាលស្រុកបូទុមសាគរ ប្រធានការិយាល័យកសិកម្ម ធនធានធម្មជាតិ និងបរិស្ថានស្រុកបូទុមសាគរ និងអាជ្ញាធរភូមិ ឃុំ នឃុំអណ្ដូងទឹក និងឃុំកណ្ដោល ស្រុកបូទុមសាគរ ខេត្តកោះកុង ចុះពិនិត្យ វាយតម្លៃពីផលប៉ះពាល់ និងអន្តរាគមន៍ ដើម្បីចាត់វិធានការទប់ស្កាត់ និងកម្ចាត់ដង្កូវមូរស្លឹក និងដង្កូវហ្វូង។

មានដូចជា៖ ១.ឃុំអណ្ដូងទឹក មានភូមិជីមាល ដែលមានផ្ទៃដី ២៧ ហ.ត ស្មើនឹង ២០គ្រួសារ,២. ឃុំកណ្ដោល មានចំនួន ៤ភូមិ ក្នុងនោះមាន៖

• ភូមិសុវណ្ណាបៃតង មានផ្ទៃដី ០៦ ហ.ត ស្មើនឹង ០៦គ្រួសារ
• ភូមិធ្នុង មានផ្ទៃដី ០៩ ហ.ត ស្មើនឹង ១៩ គ្រួសារ
•  ភូមិកណ្ដោល មានផ្ទៃដី ០៥ ហ.ត ស្មើនឹង ១៥ គ្រួសារ
•  ភូមិតាំកន់ មានផ្ទៃដី ០៨ ហ.ត ស្មើនឹង ១០ គ្រួសារ។

+ សា្ថនភាពនៅក្នុងឃុំទាំងពី ដង្កូវវិវត្តន៍ដឹកឌឿ និងមេអំបៅ។

ក្រុមការងារបានពន្យល់ណែនាំពីវិធានការការពារ និងកម្ចាត់ដូចជា៖ ១.ត្រូវប្រើប្រាស់ជីអោយមានតុល្យភាព និងមិនត្រូវប្រើជីអាសូរច្រើនហួសហេតុ, ២.ពន្លិចទឹកក្នុងស្រែ រួចយកមែក ឬបន្លាស្អិតអូសអោយធ្លាក់ក្នុងទឹក ហើយបង្ហូរទឹកចេញ និងយកស្បៃមុងត្រងយកដង្កូវទៅកម្ទេចចោល, ៣.ពន្លិចទឹកក្នុងស្រែ រួចយកមែក ឬបន្លាស្អិតអូសអោយធ្លាក់ដឹកឌឿទៅក្នុងទឹក និង ៤.ណែនាំពីរបៀបប្រើប្រាស់ថ្នាំកសិកម្ម និងសម្ភារៈប្រើប្រាស់ក្នុងពេលបាញ់ថ្នាំកសិកម្ម ។

ក្រុមការងារបានណែនាំទៅកសិករដោយសារដង្កូវវិវត្តន៍ទៅជាដឹកឌឿ និងមេអំបៅ កសិករមិនបាច់បាញ់ថ្នាំកម្ចាត់ទេ ប្រសិនបើភ្លៀងនៅតែបន្តធ្លាក់។

ថ្ងៃសៅរ៍ ៧រោច ខែអាសាឍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៧ ខែកក្កដា ឆ្នាំ២០២៤

ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង