ស្រុកកោះកុង ៖ ថ្ងៃព្រហស្បតិ៍ ៦ រោច ខែជេស្ឋ ឆ្នាំរោង

ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៧ ខែមិថុនា ឆ្នាំ២០២៤

ក្រុមប្រឹក្សាស្រុកកោះកុង បានបើកកិច្ចប្រជុំសាមញ្ញលើកទី០១​អាណត្ដិទី៤​ ក្រោមការដឹកនាំដោយលោក ឯក​ ម៉ឹង​ ប្រធានក្រុមប្រឹក្សាស្រុកកោះកុង និងជាប្រធានអង្គប្រជុំ​ សមាសភាពអញ្ជេីញចូលរួមមានលោក លោកស្រីសមាជិកក្រុមប្រឹក្សាស្រុក គណៈអភិបាលស្រុក នៅសាលប្រជុំសាលាស្រុកកោះកុង។

របៀបវារៈ​ នៃកិច្ចប្រជុំមានដូចខាងក្រោម​÷

១- មតិបើកកិច្ចប្រជុំរបស់លោក ឯក ម៉ឹង ប្រធានក្រុមប្រឹក្សាស្រុកកោះកុង

២- ពិនិត្យកូរ៉ុមក្រុមប្រឹក្សាស្រុកចូលរួមកិច្ចប្រជុំ

៣- លោក ឯក ម៉ឹង ប្រធានក្រុមប្រឹក្សាស្រុកកោះកុង និងជាប្រធានអង្គប្រជុំផ្សព្វផ្សាយ សេចក្តីណែនាំ លេខ០២៤ សណន របស់ក្រសួងមហាផ្ទៃ ស្តីពីការរៀបចំបទបញ្ជា ផ្ទៃក្នុងរបស់ក្រុមប្រឹក្សារាជធានី ខេត្ត ក្រុង ស្រុក ខណ្ឌ

៤- រៀបចំសេចក្តីព្រាងប្រតិទិន នៃកិច្ចប្រជុំសាមញ្ញរបស់ក្រុមប្រឹក្សាសម្រាប់រយៈពេល ១២ខែចាប់ពីកិច្ចប្រជុំសាមញ្ញលើកទី២ និងរាប់បញ្ចូលទាំងកិច្ចប្រជុំសាមញ្ញលើកទី១

៥- ពិនិត្យ ពិភាក្សា លើសេចក្តីព្រាងបទបញ្ជាផ្ទៃក្នុងរបស់ក្រុមប្រឹក្សាស្រុកកោះកុង អាណត្តិទី៤ (២០២៤-២០២៩)

៦- លោក ជា សូវី អភិបាលស្រុក រាយការណ៍ដោយសង្ខេបពីសមិទ្ធផលសម្រេចបាន នៅក្នុងអាណត្តិដឹកនាំរបស់ក្រុមប្រឹក្សាស្រុកអាណត្តិទី៣ និងការងារនៅសេសសល់ និងលើកទិសដៅការងាររយៈពេល០៣ខែ ដែលត្រូវអនុវត្តបន្ត

៧- បញ្ហាផ្សេងៗ

៨- បិទកិច្ចប្រជុំ