លោក សុខ សុទ្ធី អភិបាលរង នៃគណៈអភិបាលខេត្តកោះកុង និងជាប្រធានគណៈកម្មការរដ្ឋបាល បានអញ្ជើញដឹកនាំកិច្ចប្រជុំគណៈកម្មការរដ្ឋបាល ដើម្បីកំណត់ទំហំ និងចំណី ផ្លូវ ព្រែក ប្រឡាយ អូរ ក្នុងភូមិវាលត្បូង ឃុំស្រែអំបិល ស្រុកស្រែអំបិល ខេត្តកោះកុង ដែលបានវាស់វែង ចុះបញ្ជីដីមានលក្ខណៈជាប្រព័ន្ធ។ តាមរយៈកិច្ចប្រជុំនេះ គណៈកម្មការរដ្ឋបាល បានឯកភាពគ្នាលើការកំណត់ទុកជាចំណីនិងទំហំ ផ្លូវ ប្រឡាយ ព្រែក អូរ ជាមួយគ្នានេះផងដែរលោក សុខ សុទ្ធី បានណែនាំឱ្យក្រុមការងារចុះបញ្ជីដីមានលក្ខណៈជាប្រព័ន្ធ អនុវត្តការងារឱ្យបានច្បាស់លាស់ និងឆាប់រហ័ស ដើម្បីឈានទៅដល់ការបិទផ្សាយទិន្នន័យក្បាលដីជាសាធារណៈជូនបងប្អូនប្រជាពលរដ្ឋពិនិត្យ ផ្ទៀងផ្ទាត់។
ថ្ងៃអង្គារ ៦ រោច ខែពិសាខ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៨ ខែឧសភា ឆ្នាំ២០២៤ May 28, 2024