នារសៀលថ្ងៃសុក្រ ១០កើត ខែពិសាខ ឆ្នាំរោង ឆស័ក ព.ស ២៥៦៧ ត្រូវនឹងថ្ងៃទី១៧ ខែឧសភា ឆ្នាំ២០២៤ លោក គង់ សំរិទ្ធ ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកោះកុង បានដឹកនាំមន្រ្តីចំនួន ០៣រូប សហការជាមួយមន្ត្រីពន្ធនាគារខេត្ត "ចុះសួរសុខទុក្ខកុមារតាមម្ដាយក្នុងពន្ធនាគារ" ស្ថិតនៅភូមិព្រែកស្វាយ សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។ ក្នុងនោះមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត បានឧបត្ថម្ភ មីម៉ាម៉ា ០១កេស នំថៃ ០១កញ្ចប់ធំ និងទឹកដោះគោមួយចំនួន។
