រដ្ឋបាលខេត្តកោះកុង

លោកស្រីប្រធានមន្ទីរ បានចាត់ លោកស្រី សយ សាវឌី ប្រធានការិយាល័យរដ្ឋបាល-បុគ្គលិក លោកស្រី ឈាន ចន្ធី ប្រធានការិយាល័យអភិវឌ្ឍន៍សេដ្ឋកិច្ច និងមន្ដ្រី ០១រូប ចូលរួមវគ្គបណ្តុះបណ្តាលគ្រូបង្គោលថ្នាក់តំបន់ស្តីពី «សកម្មភាពថ្នាក់ភូមិ ដើម្បីទប់ស្កាត់អំពើជួញដូរស្ត្រី និងកុមារ និងរាល់ទម្រង់នៃការកេងប្រវ័ញ្ចនានា» ក្រោមអធិបតីភាព លោកជំទាវ ឡុង សុផល្លី រដ្ឋលេខាធិការ ទទួលបន្ទុកការងារជួញដូរ និងគ្រឿងញៀន នៃក្រសួងកិច្ចការនារី និងមានសមាសភាពចូលរួមពីមន្ដ្រីក្រសួងកិច្ចការនារី និងមន្ទីរកិច្ចការនារីរាជធានី /ខេត្តចំនួន ០៩ គឺខេត្តកំពត ខេត្តព្រះសីហនុ ខេត្តកោះកុង ខេត្តបន្ទាយមានជ័យ ខេត្តមណ្ឌលគីរី ខេត្តបាត់ដំបង ខេត្តស្វាយរៀង ខេត្តពោធិ៍សាត់ និងខេត្តតាកែវ សរុបចំនួន ៥៥រូប (ស្រី ៤០រូប) នៅទីរួមខេត្តកំពត។

វគ្គបណ្ដុះបណ្ដាលនេះរៀបចំឡើងក្នុងគោលបំណង៖

១- ពង្រឹងសមត្ថភាពមន្ត្រីកិច្ចការនារីខេត្ត ដើម្បីផ្សព្វផ្សាយបន្តនៅតាមភូមិគោលដៅឲ្យមានចំណេះដឹងពីគ្រោះថ្នាក់នៃអំពើជួញដូរមនុស្ស

២- ការធ្វើចំណាកស្រុកដោយសុវត្ថិភាព និងច្បាប់ដែលពាក់ព័ន្ធអាចការពារខ្លួន និងក្រុមគ្រួសារ។

ថ្ងៃអង្គារ ៨រោច ដល់ថ្ងៃព្រហស្បតិ៍ ១០រោច ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៥ ដល់០៧ ខែធ្នូ ឆ្នាំ២០២៣

#មន្ទីរកិច្ចការនារីខេត្តកោះកុង