ឃុំតាតៃក្រោម,ថ្ងៃចន្ទ ៥ កើត ខែស្រាពណ៍ ឆ្នាំថោះបញ្ចស័ក ពុទ្ធសករាជ ២៥៦៧ត្រូវនឹងថ្ងៃទី២១ ខែសីហា ឆ្នាំ២០២៣ វេលាម៉ោង ៨:០០នាទីព្រឹក លោក អ៊ូ ឆេនឆៃវិសាន្ដ មេឃុំ និងជាប្រធានគណៈកម្មការលទ្ធកម្មឃុំតាតៃក្រោម បានដឹកនាំកិច្ចប្រជុំដេញថ្លៃគម្រោងសាងសង់ផ្លូវលំក្រាលគ្រួសក្រហម ចំនួន០១ខ្សែប្រវែង១.៧គីឡូម៉ែត្រ ទទឹង ៧ម៉ែត្រ ដែលមានក្រុមហ៊ុនចូលរួមដាក់ការដេញថ្លៃចំនួន៣ក្រុមហ៊ុន

ទី១.ក្រុមហ៊ុន លឹម ពិសិដ្ឋ តម្លៃដេញថ្លៃ ១៨០,០០០,០០០រៀល

ទី២ក្រុមហ៊ុន ចំរើន រតនៈលីលី តម្លៃដេញថ្លៃ ១៨៧,៨៥០,០០០ រៀល

ទី៣. ក្រុមហ៊ុន សម្បត្តិ ស្រីលីន តម្លៃដេញថ្លៃ ១៩០,០០០,០០០រៀល

នៅក្នុងកិច្ចប្រជុំដេញថ្លៃនេះ មានការចូលរួម សម្របសម្រួលការដេញថ្លៃដោយ លោក ឡាំ ទី មន្រ្ដីជំនួយបច្ចេកទេស នៃកម្មវិធីវិនិយោគខេត្ត និងលោក អ៊ឹង បឺត ប្រធានការិយាល័យផែនការ និងគាំទ្រឃុំ/សង្កាត់ សមាសភាពចូលរួម សរុប ១៧នាក់ ស្រី ០៤នាក់ នៅសាលាឃុំតាតៃក្រោម។