ថ្ងៃព្រហស្បតិ៍ ១១កើត ខែផល្គុន ឆ្នាំខាល ចត្វាស័ក ពុទ្ធសរាជ ២៥៦៦ ត្រូវនឹងថ្ងៃទី២ ខែមីនា ឆ្នាំ២០២៣
គណៈកម្មការសេវាហិរញ្ញប្បទាននៃមន្ទីរពេទ្យបង្អែកខេត្តកោះកុងបានរៀបចំកិច្ចប្រជុំប្រចាំខែមករា ឆ្នាំ២០២៣ ដែលដឹកនាំប្រជុំដោយលោកវេជ្ជបណ្ឌិត ក្រេង សុភា ប្រធានគណៈកម្មការ និងជាអនុប្រធានមន្ទីរពេទ្យ ដោយមានការអញ្ជើញចូលរួមពីសមាជិក សមាជិការនៃគណៈកម្មការទាំងអស់។ កិច្ចប្រជុំនេះមានគោលបំណង បង្ហាញពីចំណូល ចំណាយប្រចាំខែ បញ្ហាដែលជួបប្រទះ សំណូមពរផ្សេងៗ និងដំណោះស្រាយ ដើម្បីធ្វើយ៉ាងណាឱ្យដំណើរការការងារពាក់ព័ន្ធនឹងផ្នែកហិរញ្ញវត្ថុក្នុងមន្ទីរពេទ្យកាន់តែមានភាពរលូន និងប្រសើរឡើង។
