ថ្ងៃពុធ ៤កើត ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី ២៥ ខែមករា ឆ្នាំ ២០២៣
មន្ទីរសុខាភិបាលនៃរដ្ឋបាលខេត្តកោះកុងបានរៀបចំកិច្ចប្រជុំពង្រឹងក្រុមការងារបច្ចេកទេសសុខាភិបាលខេត្តកោះកុងប្រចាំខែមករាឆ្នាំ២០២៣ ដឹកនាំកិច្ចប្រជុំដោយលោកទន្តបណ្ឌិត អ៊ូ ឡា ប្រធានស្តីទីការិយាល័យបង្ការ និងគ្រប់គ្រងជំងឺ ដោយមានការចូលរួមពី លោកប្រធានមន្ទីរពេទ្យបង្អែកខេត្តកោះកុង លោកប្រធានស្តីទីការិយាសុខាភិបាលស្រុកប្រតិបត្តិស្មាច់មានជ័យនិងមន្រ្តីសុខាភិបាលពាក់ព័ន្ធ ដែលកិច្ចប្រជុំលើកយកពីបញ្ហាផ្សេងៗដែលបានជួបប្រទះក្នុងការអនុវត្តសកម្មភាពការងារនិងដោះស្រាយបញ្ហាផ្សេងៗដែលបានកើតឡើង ។
