កោះកុង,ថ្ងៃព្រហស្បតិ៍ ៩ រោច ខែកត្ដិក ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៧ ខែវិច្ឆិកា ឆ្នាំ២០២២ មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកោះកុង បានរៀបចំវគ្គបណ្ដុះបណ្ដាលស្ដីពី «ការអនុវត្តកម្មវិធីឧបត្ថម្ភសាច់ប្រាក់ជូនគ្រួសារងាយរងហានិភ័យក្នុងអំឡុងពេលមានសម្ពាធអតិផរណា» ក្រោមអធិបតីភាព ឯកឧត្ដម សន សុផល អគ្គនាយកនៃអគ្គនាយកដ្ឋានស្ដារសម្បទា តំណាងដ៏ខ្ពង់ខ្ពស់ ឯកឧត្ដម វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងលោក ហាក់ ឡេង អភិបាលរងនៃគណ:អភិបាលខេត្ត តំណាងដ៏ខ្ពង់ខ្ពស់លោកជំទាវ មិថុនា ភូថង អភិបាលនៃគណ:អភិបាលខេត្តកោះកុង និងមានសមាសភាពចូលរួមសរុបចំនួន ៨០នាក់ ស្រី ២៤នាក់ ក្នុងនោះមាន លោក លួង សុខខេង ប្រធាននាយកដ្ឋានគោលនយោបាយ និងនីតិកម្មនៃមូលនិធិជាតិជំនួយសង្គម, លោក គង់ រឿង ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកោះកុង, លោក/លោកស្រីអភិបាលនៃគណ:អភិបាលក្រុង/ស្រុកទាំង០៧, លោក/លោកស្រីប្រធានការិយាល័យសង្គមកិច្ច និងសុខុមាលភាពសង្គមក្រុង/ស្រុកទាំង០៧, មេឃុំ/ចៅសង្កាត់, មន្ត្រីកាន់កម្មវិធីចំនួន ២៩នាក់។
