ស្រុកកោះកុង ៖ ថ្ងៃអង្គារ ៦ រោច ខែអាសាឍ ឆ្នាំខាលចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី១៩ ខែកក្កដា ឆ្នាំ២០២២ លោកស្រី សឿ សាវី សមាជិកក្រុមប្រឹក្សាស្រុក និងប្រធានគ.ក.ស.ក ស្រុកកោះកុង បានដឹកនាំគណៈកម្មាធិការពិគ្រោះយោបល់កិច្ចការស្រ្តី និងកុមារស្រុកកោះកុង(គ.ក.ស.ក) បាមដឹកនាំក្រុមការងារ សហការជាមួយអាជ្ញាធរឃុំត្រពាំងរូង ចុះជួបសំណេះសំណាលសួរសុខទុក្ខ និងនាំយកអំណោយសប្បុរសធម៌ ប្រគល់ជូនគ្រួសារងាយរងគ្រោះ រស់នៅចំណុចវាលតាភូ ភូមិត្រពាំងរូង ឃុំត្រពាំងរូង ស្រុកកោះកុង ខេត្តកោះកុង ដែលមានកូនចំនួន ១នាក់ មានការខ្វះខាតសម្លៀកបំពាក់ ឯកសណ្ឋានសិស្ស និងមធ្យោបាយក្នុងការធ្វើដំណើរទៅរៀនសូត្រ ព្រោះសាលារៀនមានចំងាយឆ្ងាយពីផ្ទះ។
ដោយសង្កេតឃើញពីផលលំបាករបស់កូនៗ គណៈកម្មាធិការពិគ្រោះយោបល់កិច្ចការស្រ្តី និងកុមារស្រុកកោះកុង បាននាំយកសម្ភារ និងថវិកាមួយចំនួនប្រគល់ជូនគ្រួសារងាយរងគ្រោះ។
ជាមួយគ្នានេះ លោកស្រីប្រធាន និងក្រុមការងារ បានផ្តាំផ្ញើដល់ស្រ្តីដែលម្តាយ និងកូនៗ និងលើកទឹកចិត្តថែទាំសុខភាពឱ្យបានល្អ រក្សាអនាម័យក្នុងការរស់នៅ ជាពិសេសត្រូវមានស្មារតីរឹងប៉ឹង ត្រូវខិតខំតស៊ូប្រកបរបរចិញ្ចឹមជីវិតបន្តទៅមុខទៀត។
សម្ភារដែលផ្តល់ជូនរួមមាន៖ ថវិការបស់គណៈកម្មាធិការពិគ្រោះយោបល់កិច្ចការស្រ្តី និងកុមារស្រុកកោះកុងចំនួន ១០០ ០០០រៀល កង់ចំនួន ១គ្រឿង ឯកសណ្ឋានសិស្ស ២ឈុត ប៊ិច ៥ដើម សៀវភៅ ៥ក្បាល ក្នុងនោះអនុសាខាកាកបាទក្រហមកម្ពុជាស្រុកមានអង្ករ ៥០គក្រ ទឹកត្រី ២ដប ទឹកស៉ីអ៉ីវ ២ដប ប្រេងឆា ២ដប ស្ករស ២គីឡូក្រាម អំបិលអ៊ីយ៉ូត ២ថង់ មី ១កេស ប៊ីចេង ១កញ្ចប់ ទឹកសុទ្ធ ១កេសត្រីខកំប៉ុង ១ឡូ
