ស្រុកកោះកុង ៖ នៅព្រឹកថ្ងៃព្រហស្បតិ៍ ១ កើតខែផល្គុន ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី៣ ខែមីនា ឆ្នាំ២០២២ រដ្ឋបាលស្រុកកោះកុងបានរៀបចំកិច្ចប្រជុំបូកសរុបលទ្ធផលការងារប្រចាំខែកុម្ភៈ និងលើកទិសដៅបន្តប្រចាំខែមីនា ឆ្នាំ២០២២ របស់ការិយាល័យ អង្គភាពចំណុះរដ្ឋបាលស្រុកកោះកុង ដឹកនាំដោយលោក សែម សំអាង នាយករងសាលាស្រុកកោះកុង ដើម្បីពិនិត្យ និងពិភាក្សាលើការពិនិត្យមើលរបាយការណ៍របស់ការិយាល័យ អង្គភាពចំណុះរដ្ឋបាលស្រុក និងការរៀបចំផែនការការអនុវត្តការងារឲ្យស្របតាមការណែនាំ ដើម្បីទទួលបាននូវលទ្ធផលល្អ ប្រកបដោយគុណភាព ប្រសិទ្ធភាព និងស័ក្តិសិទ្ធិភាព។
សមាសភាពចូលរួមមានលោកនាយករង ប្រធាន អនុប្រធានការិយាល័យ អង្គភាពចំណុះរដ្ឋបាលស្រុក សរុបចំនួន ១៤នាក់ ស្រី ០៣នាក់ នៅសាលប្រជុំសាលាស្រុកកោះកុង។
