ស្រុកកោះកុង: រដ្ឋបាលឃុំកោះកាពិ ថ្ងៃពុធ ៤រោច ខែទុយាតិសាឍ ឆ្នាំឆ្លូវ ត្រីស័ក ព,ស ២៥៦៥ ត្រូវនឹងថ្ងៃទី២៨ ខែកក្កដា ឆ្នាំ២០២១ លោក ឃុន វណ្ណា មេឃុំកោះកាពិ បានដឹកនាំក្រុមការងារឃុំរួមមាន: អាជ្ញាធរឃុំ មេភូមិ កម្លាំងប៉ុស្តិ៍រដ្ឋបាលឃុំ បុគ្គលិកបុស្តិ៍សុខភាពឃុំ សហការជាមួយកម្លាំងកងទ័ពជើងទឹកស្នាក់ការកោះកុងក្រៅ ដើម្បីចូលរួមជាមួយ លោក សុខ ភិរម្យ អភិបាលរង ស្រុកកោះកុង និងជាប្រធានក្រុមការងារអនុគណៈកម្មាធិការប្រយុទ្ធប្រឆាំងជំងឺកូវីដ-១៩ ឃុំកោះកាពិ ចុះយកសំណាកដោយឧបករណ៍ធ្វើតេស្តរហ័សរកអ្នកឆ្លងជម្ងឺកូវីដ-១៩ លើកម្លាំងកងទ័ព និងគ្រួសារកងទ័ព សរុបចំនួន ៧១ នាក់ស្រី ១៧នាក់ នៅចំណុចអាវវ៉ៅ ស្ថិតនៅភូមិ១ ឃុំកោះកាពិ ស្រុកកោះកុង។ ជាលទ្ធផល រកឃើញអ្នកវិជ្ជមានជំងឺកូវីដ-១៩ ចំនួន ០៤នាក់ ស្រី ០២នាក់ ក្រោយទទួលបានលទ្ធផលក្រុមការងារបានធ្វើការបញ្ជូនអ្នកវិជ្ជមាន ទៅសម្រាកព្យាបាលនៅមណ្ឌលចត្តាឡីស័កបាក់ខ្លង។
ប្រភព: រដ្ឋបាលឃុំកោះកាពិ
