លោក មុំ ម៉ាលីកា ជាប្រធានមន្ទីរព័ត៌មានខេត្តកោះកុង នៅរសៀលថ្ងៃទី១៦ ខែកក្កដា ឆ្នាំ២០២១ អមដោយលោកអនុប្រធានមន្ទីរ ប្រធានការិយាល័យទូរទស្សន៍ អញ្ជើញទៅសួរសុខទុក្ខ និងនាំយកគ្រឿងឧបភោគបរិភោគ មួយចំនួនទៅឱ្យមន្ត្រីការិយាល័យរដ្ឋបាល នៃមន្ទីរព័ត៌មានខេត្ត និងកូនចំនួន០៤នាក់ កំពុងធ្វើចត្តាឡីស័កនៅផ្ទះ ។ ក្រោយពីបានសំណេះសំណាល អំពីសុខទុក្ខម លោកប្រធាន បានលើកទឹកចិត្តឱ្យមន្ត្រីដែលកំពុងជាប់ធ្វើចត្តាឡីស័ក ឱ្យខិតខំថែរក្សាអនាម័យឱ្យបានខ្ជាប់ខ្ជួន និងតាមដានស្ថានភាពប្រចាំថ្ងៃឱ្យបានទៀងទាត់ ប្រសិនបើមានការប្រែប្រួល ដូចជាក្តៅខ្លួន ក្អក ផ្តសាយ…។ល។ ត្រូវប្រញ៉ាប់ប្រញាល់ទូរស័ព្ទទាក់ទងទៅគ្រូពេទ្យជាបន្ទាន់ ដើម្បីធ្វើតេស្តរកមើលវីរុសកូវីដ-១៩ គឺដើម្បីឱ្យដឹងច្បាស់ថា តើលទ្ធផល វិជ្ជមាន ឬអវិជ្ជមាន។ជាមួយនឹងការចុះសួរសុខទុក្ខនេះ លោក ក៍បានផ្តល់នូវអំណោយមួយចំនួនផងដែរ ក្នុងនោះរួមមាន៖
១-អង្ករ១បាវ =២៥kg
២-ទឹកបរិសុទ្ធ ១កេស
៣-មី ១កេស
៤-សាច់ក្រក ១kg
៥-ត្រីងៀតផ្អែម ១kg
៦-ពងទា ៣០ គ្រាប់
៧-ទឹកត្រី ១យួរ
៨-ទឹកស៊ីអ៉ីវ ១យួរ ផងដែរ ។