ឧត្តមសេនីយ៍ទោ សុខសុវត្តិ ទុម មេបញ្ជាការតំបន់ប្រតិបត្តិការសឹករងកោះកុង និងមេបញ្ជាការរង និងក្រុមការងារចាក់វ៉ាក់សាំងបង្ការជំងឺកូវីដ-១៩ របស់តំបន់ប្រតិបត្តិការសឹករងកោះកុង បានបន្តរ៉ាប់រងលើការចាក់វ៉ាក់សាំង ជូនប្រជាពលរដ្ឋ នៅក្នុងក្រុងខេមរភូមិន្ទ ខេត្តកោះកុង ដែលមានទីតាំងស្ថិតនៅក្នុងទីបញ្ជាការតំបន់ប្រតិបត្តិការសឹករងកោះកុង ស្ថិតក្នុងភូមិបឹងឃុនឆាង សង្កាត់ស្មាច់មានជ័យ ខេត្តកោះកុង។ ក្នុងឱកាសនោះផងដែរនាយឧត្តមសេនីយ៍ យន្ត មីន រដ្ឋលេខាធិការ ក្រសួងការពារជាតិ បានអញ្ជើញពិនិត្យ ការចាក់វ៉ាក់សាំង នៅក្នុងបញ្ជាការដ្ឋាន ក្នុងនាមថ្នាក់ដឹកនាំក្រសួងការពារជាតិ ដោយការយកចិត្តទុកដាក់ និងភាពស្និទ្ធស្នាល ក្នុងមនោសញ្ចេតនាសប្បាយរីករាយ។