កោះកុង៖ថ្ងៃព្រហស្បតិ៍ ១៥ កើត ខែបឋមាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៤ ខែមិថុនា ឆ្នាំ២០២១ វេលាម៉ោង ៩:០០នាទីព្រឹក លោក គង់ រឿង ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តកោះកុង បានសហការជាមួយក្រុមយុវជន ស.ស.យ.ក វិស័យសង្គមកិច្ច ចំនួន ០៩រូប ស្រី ០៤រូប ក្រោមអធិបតីភាពលោក ប្រាក់ វិចិត្រ អភិបាលនៃគណអភិបាលស្រុកមណ្ឌលសីមា ដើម្បីផ្ដល់អំណោយជូនដល់គ្រួសារកំពុងជាប់ធ្វើចត្តាឡីស័កចំនួន ៣៥គ្រួសារ នៅក្នុងឃុំពាមក្រសោប ស្រុកមណ្ឌលសីមា តាមរយៈលោកស្រី នាង គុន ដែលជាមេឃុំ ដោយក្នុងមួយគ្រួសារៗទទួលបាន៖ អង្ករចំនួន ២៥គីឡូក្រាម គ្រឿងឧបភោគបរិភោគមួយចំនួន និងទឹកសុទ្ធចំនួន ៥កេះសម្រាប់ប៉ុស្តិ៍ត្រួតពិនិត្យ ។
