មន្ទីរបរិស្ថានខេត្តកោះកុង សហការជាមួយក្រសួងបរិស្ថាន ចុះពិនិត្យទីតាំងអនុវត្តគម្រោងជលផលសមុទ្រ និងតំបន់ឆ្នេរប្រកបដោយចីរភាព
លោក ហ៊ុន ម៉ារ៉ាឌី ប្រធានមន្ទីរបរិស្ថានខេត្តកោះកុង បានដឹកនាំមន្ត្រីក្រោមឱវាទ ចូលរួមជាមួយក្រុមការងារក្រសួងបរិស្ថាន ដឹកនាំដោយលោក អ៊ុយ កាម៉ាល អគ្គនាយករងនៃអគ្គនាយកដ្ឋានចំណេះដឹង និងព័ត៌មានបរិស្ថាន និងជាប្រធានគ្រប់គ្រងគម្រោងជលផលសមុទ្រ និងតំបន់ឆ្នេរប្រកបដោយចីរភាព ដើម្បីប្រជុំពិភាក្សាប្រមូលទិន្នន័យបន្ថែម និងចុះពិនិត្យទីតាំងសាងសង់ហេដ្ឋារចនាសម្ព័ន្ធនៅសហគមន៍តំបន់ការពារធម្មជាតិជ្រោយស្វាយ និងកណ្តោល។ កិច្ចប្រជុំនេះមានការចូលរួមពីគណៈកម្មការសហគមន៍ និងអាជ្ញាធរមូលដ្ឋាន សរុប ៥៨នាក់ (ស្រី ៧នាក់)។
ថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៩ ខែកក្កដា ឆ្នាំ២០២៦
