លោក រាជ និមល ប្រធានការិយាល័យ អប់រំ យុវជន និងកីឡាស្រុកមណ្ឌលសីមា បានចូលរួមកិច្ចប្រជុំ ស្ដីពីឆ្លុះបញ្ចាំង និងចែករំលែកបទពិសោធន៍ឧត្តមានុវត្តន៍ សម្រាប់គណ:គ្រប់គ្រងសាលា និងគ្រូបង្រៀននៅតាមសាលារៀនគោលដៅ គ.វ.អ (តំបន់៣)
លោក រាជ និមល ប្រធានការិយាល័យ អប់រំ យុវជន និងកីឡា បានចូលរួមកិច្ចប្រជុំ ស្ដីពីឆ្លុះបញ្ចាំង និងចែករំលែកបទពិសោធន៍ឧត្តមានុវត្តន៍ សម្រាប់គណ:គ្រប់គ្រងសាលា និងគ្រូបង្រៀននៅតាមសាលារៀនគោលដៅ គ.វ.អ(តំបន់៣) ក្រោមអធិបតីភាពដ៏ខ្ពង់ខ្ពស់ ឯកឧត្តម ពេជ សោភ័ណ ទេសរដ្ឋមន្រ្តី ទទួលបន្ទុកបេសកកម្មពិសេស និងជាប្រធានលេខាធិការដ្ឋានគ.វ.អ ។ ឯកឧត្តមបានផ្ដាំផ្ញើដល់សមាជិកសមាជិកា នៃអង្គប្រជុំទាំងអស់ ឱ្យពង្រឹងការអនុវត្តវិធានការគន្លឹះក្នុងវិស័យអប់រំ តាមអង្គភាពរៀងៗខ្លួនដូចខាងក្រោម:
១ការពង្រឹងអភិបាលកិច្ចសាលារៀន ២ការពង្រឹងចំណេះដឹង វិន័យ សីលធម៌ ឥរិយាបថ និងការបង្រៀនបន្ថែមម៉ោង
៣ការយកចិត្ត ទុកដាក់លើសុខភាពសិក្សា ៤ការជំរុញលើកទឹកចិត្តការចូលរួមរបស់សហគមន៍ ដើម្បីការអប់រំ។
នៅសាលប្រជុំសាលាខេត្តពោធិ៍សាត់
ថ្ងៃពុធ ១០រោច ខែជេស្ឋ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី១០ ខែមិថុនា ឆ្នាំ២០២៦
