កិច្ចប្រជុំបច្ចេកទេសពិនិត្យឯកសារ ផែនទី ស្នើសុំកាត់ឆ្វៀលដី ជូនប្រជាពលរដ្ឋរស់នៅ អាស្រ័យផលជាក់ស្តែងក្នុងតំបន់ការពារធម្មជាតិ អភិរក្សជីវៈចម្រុះ ក្នុងភូមិសាស្ត្រខេត្តកោះកុង
ឯកឧត្តម យន្ត មីន រដ្ឋលេខាធិការក្រសួងការពារជាតិ បានដឹកនាំកិច្ចប្រជុំបច្ចេកទេស ដើម្បីពិនិត្យឯកសារ ផែនទី ស្នើសុំកាត់ឆ្វៀលដី ជូនប្រជាពលរដ្ឋរស់នៅ អាស្រ័យផលជាក់ស្តែងក្នុងតំបន់ ការពារធម្មជាតិ កំណត់ដោយអនុក្រឹត្យ ក្នុងភូមិសាស្ត្រខេត្តកោះកុង។ កិច្ចប្រជុំនេះប្រព្រឹត្តទៅនៅសាលាខេត្តកោះកុង ដោយមានការចូលរួមពី លោក សុខ សុទ្ធី អភិបាលរង នៃគណៈអភិបាលខេត្តកោះកុង អភិបាល នៃគណៈអភិបាលក្រុង ស្រុកទាំង ៧ មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកោះកុង ការិយាល័យភូមិបាលទាំង ៧ ក្រុង ស្រុក។
