ដោយអនុវត្តតាមការណែនាំជាប្រចាំរបស់ លោកឧត្តមសេនីយ៍ទោ គង់ មនោ ស្នងការនគរបាលខេត្តកោះកុង លោកស្រី វរសេនីយ៍ឯក ពេជ្រ ស្រីពី ស្នងការរង ទទួលផែនការងារប្រឆាំងការជួញដូរមនុស្ស និងការពារអនីតិជន និងជាប្រធានយេនឌ័រ និងលោកឧត្ដមសេនីយ៍ត្រី លឹម ឆាយ ស្នងការរង ផែនការងារភស្ដុភារ និងហិរញ្ញវត្ថុ បានដឹកនាំមន្ត្រីក្រោមឱវាទ អញ្ជើញចុះទៅសួរសុខទុក្ខ លោកស្រីអនុសេនីយ៍ឯក អាយ ខន្តិម៉ា មន្ត្រីការិយាល័យភស្ដុភារ និងហិរញ្ញវត្ថុ ដែលបានសម្រាលបុត្រ និងកំពុងសម្រាក នៅគេហដ្ឋាន ដោយមានការអញ្ជើញចូលរួម ពីលោកស្រីភរិយាលោកឧត្តមសេនីយ៍ស្នងការ ផងដែរ ។
ក្នុងឱកាសនោះដែរលោកស្រីស្នងការរង បាននាំយកការសួរសុខទុក្ខពីសំណាក់ លោកឧត្តមសេនីយ៍ស្នងការ និងបាននាំយកសម្ភារៈ និងថវិការមួយចំនួន ដេីម្បីផ្តល់ជូនផងដែរ។
តំណាងក្រុមគ្រួសារមន្ត្រីបានថ្លែងអំណរគុណដល់ លោកឧត្តមស្នងការ លោកស្នងការរង និងមន្ត្រីអមដំណេីរ ដែលតែងតែយកចិត្តទុក្ខដាក់ដល់សុខទុក្ខរបស់មន្ត្រីក្រោមឱវាទនៅពេលមានបញ្ហា ឬមានជំងឺផ្សេងៗ៕
