រដ្ឋបាលខេត្តកោះកុង

លោក សំឃីត វៀន អភិបាលរង នៃគណៈអភិបាលខេត្តកោះកុង និងជាប្រធានលេខាធិការដ្ឋាន នៃគណៈកម្មាធិការត្រួតពិនិត្យគ្រឿងញៀនខេត្ត តំណាងដ៏ខ្ពង់ខ្ពស់របស់លោកជំទាវអភិបាល នៃគណៈអភិបាលខេត្ត អញ្ជើញស្វាគមន៍ ឯកឧត្តម ឧត្តមសេនីយ៍ឯក នាក់ យុទ្ធា អគ្គលេខាធិការរង នៃអគ្គលេខាធិការដ្ឋានអាជ្ញាធរប្រយុទ្ធប្រឆាំងគ្រឿងញៀន ក្នុងកិច្ចប្រជុំផ្សព្វផ្សាយឯកសារ ស្តីពីលទ្ធផលការងារត្រួតពិនិត្យគ្រឿងញៀនឆមាសទី១ និងលើកទិសដៅការងារឆមាសទី២ ឆ្នាំ២០២០ របស់អាជ្ញាធរជាតិប្រយុទ្ធប្រឆាំងគ្រឿងញៀន។

លោកអភិបាលរងខេត្ត សូមសម្តែងនូវការកោតសរសើរចំពោះកិច្ចខិតខំប្រឹងប្រែង របស់កម្លាំងសមត្ថកិច្ចពាក់ព័ន្ធនៅក្នុងខេត្តកោះកុង ជាពិសេសអាជ្ញាធរជាតិប្រយុទ្ធប្រឆាំងគ្រឿងញៀន និងលេខាធិការដ្ឋានថ្នាក់ជាតិ។ ជំងឺកូវីដ-១៩ នៅតែបន្តឆ្លងរាលដាលទូទាំងពិភពលោក និងបានបង្កផលប៉ះពាល់ទៅលើគ្រប់វិស័យ ហើយក៏មិនដឹងពេលណាអាចបញ្ចប់បាននៅឡើយ។ ក្នុងបរិការណ៍មួយ ដែលទ្វារត្រូវបានបិទ-សកម្មភាពតាមវិស័យមួយចំនួនត្រូវបានផ្អាកសកម្មភាព ប៉ុន្តែបង្អួចបានបើកចំហរ-សកម្មភាពនៅមូលដ្ឋានបាននិងកំពុងប្រតិបត្តិ ក្នុងន័យបន្តថែរក្សាសមិទ្ធិផលដ៏ត្រចះត្រចង់ដែលយើងទាំងអស់គ្នាសម្រចបាននាពេលកន្លងមក ក៏ដូចជាដើម្បីលើកកម្ពស់ប្រសិទ្ធភាព នៃការបង្ការ ទប់ស្កាត់ នឹងដោះស្រាយនូវរាល់បញ្ហាដែលពាក់ព័ន្ធនឹងគ្រឿងញៀន។ ទន្ទឹមនឹងនេះផងដែរ ខ្ញុំសូមធ្វើការណែនាំ ដល់សមត្ថកិច្ចជំនាញ នៃគណៈកម្មការត្រួតពិនិត្យគ្រឿងញៀនខេត្ត លេខាធិការដ្ថាន អាជ្ញាធរ និងសមត្ថកិច្ចពាក់ព័ន្ធនៅតាមក្រុង ស្រុក ដូចខាងក្រោម :
១/បន្តជំរុញការអនុវត្តនូវរាល់គោលនយោបាយ ដោយរាជរដ្ឋាភិបាល ដូចជាគោលការណ៍របស់ក្រសួង ស្ថាប័ន អាជ្ញាធរពាក់ព័ន្ធ
២/មន្ទីរ អង្គភាព និងអង្គភាពពាក់ព័ន្ធនឹងយុទ្ធនាការប្រឆាំងគ្រឿងញៀន ត្រូវអនុវត្តការងារក្នុងដែនសមត្ថកិច្ចរបស់ខ្លួន ដោយឈរលើទំនួលខុសត្រូវ
៣/ភ្នាក់ងារអនុវត្តច្បាប់ ត្រូវបន្តយកចិត្តទុកដាក់ ពង្រឹងសមត្ថភាព គុណភាព រឿងក្រុមសីលធម៌វិជ្ជាជីវៈឲ្យបានខ្ជាប់ខ្ជួនជានិច្ច
៤/គណៈកម្មការត្រួតពិនិត្យគ្រឿងញៀនខេត្ត និងលេខាធិការដ្ឋាន ត្រូវបន្តពង្រឹង និងពង្រីកយន្តការរបស់ការងារខ្លួន ដល់មូលដ្ឋានក្រុង ស្រុក ឃុំ សង្កាត់ និងម្ចាស់ការដឹកនាំ សម្របសម្រួល មិនអនុវត្តប្រកបដោយការទទួលខុសត្រូវ មានប្រសិទ្ធភាព និងបានជាប់ជាប្រចាំ
៥/មន្ទីរ អង្គភាពជំនាញ គ្រឹះស្ថានអប់រំ វិស័យឯកជន នឹងអង្គភាពពាក់ព័ន្ធនានា នូវខ្លឹមសារបញ្ជ្រាបនូវខ្លឹមសារប្រយុទ្ធប្រឆាំងគ្រឿងញៀន ទៅក្នុងផែនការ ឬការអនុវត្តការងារប្រចាំរបស់ខ្លួនតាមលទ្ធភាព ដែលអាចធ្វើទៅបាន។
ដោយមានការផ្លាស់ប្ដូរសមាសភាព គណៈអភិបាលខេត្ត មន្ទីរ អង្គភាពមួយចំនួន និងអ្នកពាក់ព័ន្ធ ដូច្នេះរដ្ឋបាលខេត្ត នឹងបញ្ជូនសំណើសុំកែសម្រួលសមាសភាព គណៈកម្មការប្រយុទ្ធប្រឆាំងគ្រឿងញៀនខេត្ត លេខាធការដ្ឋាន និងកាឡៃទំនាក់ទំនងព្រំដែន(BLO) ទៅអាជ្ញាធរជាតិប្រយុទ្ធប្រឆាំងគ្រឿងញៀន ដើម្បីស្នើសុំចេញសេចក្តីសម្រេចតែងតាំងជាថ្មី។ គណៈកម្មការត្រួតពិនិត្យគ្រឿងញៀនខេត្ត និងរៀបចំច្រេសសម្រេចបង្កើតឲ្យមានគណៈកម្មការត្រួតពិនិត្យគ្រឿងញៀនថ្នាក់ក្រុង ស្រុក ឃុំ សង្កាត់ ដើម្បីបំពេញភារកិច្ចប្រយុទ្ធប្រឆាំងគ្រឿងញៀន នៅតាមមូលដ្ឋាន៕