រដ្ឋបាលខេត្តកោះកុង

សូមបងប្អូនប្រជាពលរដ្ឋ ដែលកំពុងស្វែងរកការងារធ្វើ ឬចង់រៀនជំនាញបច្ចេកទេសវិជ្ជាជីវៈល្អៗ គឺសូមទាក់ទងទៅលេខទូរសព្ទ ១២៩៧ របស់ក្រសួងការងារ​ និងបណ្តុះបណ្តាលវិជ្ជាជីវៈ។

លេខ ១២៩៧ គឺជាស្ពាន ដែលអាចជួយយកអាសាបងប្អូនឱ្យដល់ត្រើយម្ខាងនៃពិភពការងារថ្មី ដែលជាការងារសមរម្យ ការងារមានចំណូលទៀងទាត់ និងជួយឱ្យជីវភាពមានការរីកចម្រេីន។

សម្រាប់បងប្អូន ដែលមានបណ្ណសមធម៌ ហើយចង់រៀនជំនាញវិជ្ជាជីវៈ នៅតាមសាលាបណ្តុះបណ្តាលវិជ្ជាជីវៈរបស់ក្រសួងការងារ គឺសម្តេចធិបតី ហ៊ុន ម៉ាណែត នឹងបង់​ថ្លៃរៀនជំនួសបងប្អូន ហើយពេលកំពុងរៀន សម្តេចធិបតី នឹងផ្តល់ប្រាក់ឧបត្ថម្ភចំនួន ២៨ម៉ឺនរៀល ក្នុង១ខែ ជូនបងប្អូន រហូតដល់ទៅ ៤ខែ ជាប់គ្នាផងដែរ។

បងប្អូនចង់ រៀន១ថ្ងៃពេញក៏បាន រៀន១ព្រឹកក៏បាន រៀន១ល្ងាចក៏បាន រៀនពេលយប់ក៏បាន រៀនតែថ្ងៃសៅរ៍និងអាទិត្យក៏បាន។ បងប្អូនទំនេរម៉ោងណា គឺអាចមករៀនម៉ោងនោះបាន។